NAPABILIN sa defending champion Lady Knights Football Club (FC) ang titulo sa girls 16-under human gipildi ang La Salle Zobel, 4-1, sa finals sa 20th Alaska Football Cup didto sa Ayala Abalang Country Club sa Muntinlupa City bag-ohay lang.
Ang Lady Knights naglampaso sa ABC Naga All Stars, 5-1, sa semifinals aron makasibog sa finals kontra La Salle Zobel.
Ang Dabawenyas, ubos ni coach Ateneo de Davao University's Rachelle "Ching" Delos Reyes ug Julio Orcasitas, una nang gitagak ang Aklan FC, 4-1, sa quarterfinals.
Ang kampeyon nga tim gidulaan nila Joannah Marie Adao, Angela Bea de Luna, Chiyo Jan Marasigan, Patricia Erika Francisco, Felice Gabrielle Tuason, Althea Kate Villacencio, Rizzaline Francisco, Isabelle Lovelie Duterte, Kianna Balunos, Beatrx Angelica Magno ug Joyce Semacio.
Si Adao maoy giilang most valuable player of the division diin ang Davao City team Sakya Football Club (FC) maoy nabutang sa ikatulong puwesto.
Sa milabay nga tuig, gipalukapa sa Lady Knights ang Minilua, Negros Occidental, 2-0, aron masungkit ang kampeyonatong tropeyo. (MLSA)