Gawilan nakabulawan sa 400M freestyle

SI ERNIE Agat Gawilan sa Dabaw nakapalista aron makigtigi sa 2016 Rio Paralympics human nakabulawan ug gibuak ang iyang rekord sa men's 400-meter freestyle S8 event sa 8th Asean Para Games swimming debut didto sa OCBC Aquatic Center sa Singapore bag-ohay lang.

Kini human gikan sa iyang pagkuha og platang medalya sa men's 100m freestyle niadtong Biyernes.

Si Gawilan, Asian Para Games triple bronze medalist, mirehistro og 4 minutos ug 48.49 segundos ug nabuak niya ang kaugalingong rekord, 5:03.09.

Ang 24 anyos Dabawenyo gipildi si Singaporean tanker Toh Wei Soong kinsa mihimo og 5:08.80 ug Vietnamese Dang Van Cong mitala og 5:09.97.

"Salamat Lord for the first time nakapasok din time ko para sa Paralympic. Matagal ko rin tong pinaghirapan at pinagtiisan. Nag-qualify din sa wakas," ni Gawilan sa iyang post sa Facebook niadtong Dominggo.

Iyang gidayeg ang anaa sa luyo sa ilang training nga sila coaches Ral Rosario ug Tony Ong, Davao City coaches Jude Corpuz ug Johanes Corpuz ug teammates, "Dahil sa inyo gumanda po mga performance namin."

Iya sab gipasalamatan ang pagsalig kaniya sa Philippine sports Commission and Philippine Sports Association Of Different-Abled Athletes ug iyang sponsors.

Samtang nakiglumba sab si Gawilan sa men's 200 individual medley (IM).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph