ANG lungsod sa Bantayan nakadawat og Outstanding Sanggunian gikan sa Philippine Councilors League (PCL).
Si Governor Hilario P. Davide III nitunol sa P100,000 cash sa mga opisyal sa Bantayan sa pagpangulo ni Bise Mayor Chad Kenneth Escario-Cañares.
Giubanan siya ni PCL-Cebu Chapter President Provincial Board Member Carmen Remedios Durano-Meca ug Jerome Gonzales, provincial director sa Department of Interior and Local Government (DILG).
Ang mga lungsod sa Barili ug Compostela mao ang nakakuha sa ikaduha ug ikatulong puwesto sa 1st ngadto sa 3rd class municipalities’ category.
Ang awarding gipahigayon sa Waterfront Hotel, Cebu City niadtong Disyembre 4 atol sa sa PCL-Cebu Chapter general assembly ug Christmas party.
Ang local legislative award gikmpirmar sa Sangguniang Panglungsod o Sangguniang Bayan nga nakahimo sa maayong pagdumala sulod sa Hulyo 1, 2013 nadto sa Hunyo 30, 2015.
Ang pag-il sa local legislative bodies, diin dunay maayong buhat sa pagpasar og mga lokal nga balaudnon o resolusyon nga nakatabang sa paglambo sa socio-economic ug environmental nga kahimtang.
Si Davide nipahalipay sa mga mananaog nga naningkamot sa timong: Kalambuan sa Matag Sugbuanon.
Si Gonzales nagkanayon nga ang Bantayan dunay kahigaynan sa pagdaog sa regional level ngadto na sa nasudnong ang-ang sa pagpangita sa labiong maayong lopkal nga kagamhanan. (PR)