Lonzon: Delima gibugoan sa katawhan?

MORA man og gibugoan si Department of Justice Secretary Laila Delima, sa katawhan. Sa akong tan-aw, pang­lingla ug pangilad kini.

Iyang gipamahayag nga dakpon ang mga sakop sa Moro Islamic Liberation Front (MILF) nga nahimong suspek sa kamatayon sa 44 ka mga sakop PNP-SAF nga gimasaker didto sa Mamasapano Maguindanao.

Angayang mauwaw si Delima, kay wa man gani maka kondinar ang iyang amo nga si Presidente Noynoy Aquino, sa mga akusadong sakop sa MILF sa kahadlok nga maapektahan ang Bangsamoro Basic Law (BBL).

Tataw kaayo nga ang drama ni Delima aron bawi-on ug depensaan ang pagtibugsok sa popularity ug trust rating ni PNoy. Ngil-ad kini kay gigamit na sa Malakanyang ang DOJ isip tigpamaba.

Eskuwelahan sa kabos

Para nako, maayo ang katuyoan ni Dr. Paulos Cañete sa pagpabarog sa Mandaue City College isip presidente bisan pa man og anaa ang Mandaue, City College ubos sa Mandaue City government.

Ang nag-unang benepisyo gud kining labing kabus nga mga estudyante. Karon nga naay reklamo  sa usa ka estudyante nga nag masteral sa kursong education  andam kining atubangon ni Cañete.

Sa akong nahibaw-an si Cañete nadamay sa away sa pulitika sa mga dagkong pulitiko sa siyudad sa Mandaue. Gani kini napriso apan nakagawas human giplantiran ug armas sa batabata sa mayor.

Sa wa pa nako, gisuwat kiining estorya akong gisuwayag text ug tawag si Cañete aron makuhaan og reaksyon. Busy ang linya sa cellphone ug wa sab maka reply sa akong text.

Atong sabton gumikan sa ka busy.Samtang atong paabuton og kun unsa nay mga kalamboan sa maong reklamo. Sa nasayran wana may bikil ang pagpadagan ni Cañete sa MCC gawas niini.

Away ni Pacman

Samtang naghinamhinam sa pagpaabot ang katawhan sa tibuok kalibotan sa away ni Kongresista Manny Pacquiao kontra ni Floyd Mayweather Jr, init sab kaayo ang pagsunod sa nagsugod na nga NBA Playoff.

Apan nagguba akong adlaw sa kapalpakan sa Sky Cable kay nawa ang among signal. Sabado pa lang bisperas sa di pa mag NBA playoff pagka Dominggo ako nang gireklamo wa gihaponmhangtud karon!

Samtang, magsangka ang Team Rama ug Team JVR  basketball team karong umaabot Mayo 17, 2015, alang sa  1st Mayor JVR  International Invitational Basketball League.

Kini pagasalmutan sa University of Cebu, Mapua Institute of Technology, University of San Carlos ug Malaysian National Team..

Ang kita sa ticket alang sa mga senior citizens ug mga indigent pinaagi personal nga promotion ni John Yre delos Reyes, ang city administrator.

(efren_lonzon@yahoo.com Text: Sun 09438714888, Globe 09164214888)

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph