NAKASINATI og volcanic eruption ang mga molupyo nga anaa palibot sa Mt. Kanlaon sukad pa niadtong adlaw sa Pasko.
Ang Kanlaon Volcano Seismic monitoring network sa ilang gipagawas nga bulletin kagahapon sa alas 8:00 sa buntag nagpahibawo nga nakatala na og unom ka mga volcanic earthquake sud sa 24 oras.
Ilang gipahibawo usab nga ang bulkan nibuga og puti nga aso nga may gitas-on nga 50 metros gikan sa summit crater niini.
Niini, gipaubos na kini sa alert level 1 status ang Mt. Kanlaon diin nagpasabot nga anaa kini sa abnormal nga kondisyon ug nga gihulagway kini sa Philippine Institute of Volcanology and Seismology (PHIVOLCS) nga anaa sa “period of current unrest.”
Gipahimangnoan sa Phivolcs ang lokal nga kagamhanan ug katawhan nga gidili ang pagsud sa 4-kilometer radius permanent danger zone kay tingali makasugat sila sa posibling pagbuto sa bulkan.
Ang Civil Aviation authorities nipahimangno sa mga piloto nga di mopalupad haduol sa summit sa bulkan kay tingali ang aso nga gibuga sa bulkan kon mobuto kini makadaot sa ayroplano.
Ang Phivolcs padayong nag-monitor sa kalihokan sa Mt. Kanloan. JECT