Linog nasinati na usab sa Mt. Kanlaon

NITALA na usab og laing upat ka mga volcanic earthquake ang Mt. Kanlaon kagahapon, kini ang nalatid sa Kanlaon Volcano Seismic monitoring network sa ilang gipagawas nga bulletin kagahapon sa alas 8:00 sa buntag nga nahitabo sud sa 24 oras.

Apan, niadtong Dominggo nakasinati ang mga molupyo og 29 ka mga volcanic earthquake nga naa sa Intensity II sa Barangays Cabagnaan, La Castellana, Sitio Guintubdan, Barangay Ara-al, ug Barangay Tubo, La Carlota City.

Naobserbahan nga nigawas na usab ang aso gikan sa summit crater sa bulkan kagahapon.

Niini, gipaubos na sa alert level 1 status ang Mt. Kanlaon diin nagpasabot nga anaa kini sa abnormal nga kondisyon ug nga gihulagway sa Philippine Institute of Volcanology and Seismology (PHIVOLCS) nga anaa sa “period of current unrest” kini.

Gipahimangnoan sa Phivolcs ang lokal nga kagamhanan ug katawhan nga gidili ang pagsud sa 4-kilometer radius permanent danger zone kay tingali makasugat sila sa posibling pagbuto sa bulkan.

Ang Civil Aviation authorities nipahimangno sa mga piloto nga di mopalupad haduol sa summit sa bulkan kay tingali ang aso nga gibuga sa bulkan kon mobuto kini makadaot sa ayroplano. JECT

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph