PRESKO pagkampyeon niadtong Sabado, sulayan ni Jun Gunayan ang asido sa kinabag-an pagabri sa Explore MisOr Chess Cooperative Class B Rapid Chess Tournament karon sa Capitol Chess park.
Naangkon ni Gunayan, kinsa usa ka enhinero, ang kampyeonato sa 1st Knights of the Square Table premiere group niadtong Sabado agi pagdaog kang Fr. Vic Arellano sa kataposang round.
Apan karon, masaluag ang hagit ang iyang maangkon sa presensya sa ma bagong tubo sama sa magsuong Romeo ug Ronald Canino, Othniel Yulo, Tristan Ibaoc ug Aldin Ronulfo Ranario.
Naa sab mga dark horse sama nila Ismar Irenick Estrella, Elias Balase ug Ralph, Arbs Calido ug Bobby Salomon.
Kapin P6,300 ang premyo sa class B nga torneyo diin ang kampyeon mouli og P2,000, samtang ang ikaduha ug ikatulo nga mananaog mobitbit sa P1,500 ug P1,000 nga salapi.
Ang makatungtung sa ika-upat ug ika-lima, sunod-sunod, modawat og P700 ug P500.
Modawat og P300 matag usa alang sa top senior ug top lady.
Sa elementarya, kapin sa P4600 ang tanan premyo nga cash diin ang una paingon sa ikalima modawat og P1,500, P1,000, P700, P500 ug P300, sunod-sunod.
Anaa sad top lady 10-under ug top boy under-10 nga modawat og P300 matag usa.