MANGULO si National Master Rustum Tolentino sa pag-abri sa 3rd Barangay Tablon Fiesta Open Chess Tournament karong adlawa didto sa Tablon mini-Gym.
Nagmalampuson si Tolentino sa kataposang tulo nga mga torneyo gikan Disyembre sa niaging tuig.
Nagkalig-on ang torneyo human moapil sab makigbangi sila Fidemaster Lyndon Lumancas ug NM Levi Mercado sa torneyo.
Anaa sab ang mga master-caliber nga sila Johnnel Balquin, Lennon Hart Salgados ug Nazario Ubanan.
Makapuling sab ni ang presensya nila Bryan Jose, Silverio Abasolo ug mga bitoong manunula sa Malaybalay nga gipangulohan ni Jeriel Manlimbana.
Sobra sa P45,000 ang tanan-tanan premyo sa open ug ang kampyeon mouli og P12,000.
Mokabat sa P10,000, P7,000, P5,000 ug P1,000 alang sa ikaduha, ikatulo, ikaupat ug ikalima nga pwesto, sunod-sunod.
Gikan sa ikaunom paingon sa ikanapulo mobitbit og P900, P800, P700, P600 ug P500 sa ing-ana nga plastar.
Aduna sab premyo sa top 4 tablon players ug sa class B.
Kapin sab sa P3,000 ang premyo sa elementary division ug kampyeon modawat sa P1,000 nga salapi.