NAKAPTAN nila National Master Rustum Tolentino ug Johnnel Balquin ang unang pwesto human gipamilde nila ang ilang kadaiyang kaatbang sa ikaupat nga round atol sa 3rd Barangay Tablon Open Chess Tournament kagahapon didto sa Tablon covered courts.
Nitala si NM Tolentino og limpyong upat ka puntos human mapilde niya si Silverio Abasolo sa ikaupat nga round.
Sa susamang iskor, naparot ni Johnel Balquin si Jeriel Manlimbana, garbo sa Malaybalay City, sa susamang round.
Tanan mata nakatotok kanila tungod nga pwersado sila magagbat sa ikalima nga round tungod nga duha nalang sila nga walay pilde.
Sa board two nga parehas niposti 3.5 puntos, magengkwentro sila Cosain Magarang batok kang Allan Cantojos.
Uban nga mga kulbahinam nga dula sa top boards mao sila si Lennon Hart Salgados kontra Joseph Maestrado Jr. sa board three; Benjamin Guimong batok NM Levi Mercado sa board 4; Abasolo atbang kang Manlimbana sa ikalima; Nazario Ubanan ug ang beteranong si Bong Vasquez sa board 6. (JAF)