SECTIONS
philippines
Wednesday, October 27, 2021

'Piso-piso' mikita og P50 M; P300 M utang

NAA sa P280 milyones ngadto sa P300 mil­yones ang bayranan sa Cebu Archdiocese sa mga supplier human malampuson napahigayon ang kapin usa ka semana nga mga kalihukan ug tigom sa 51st International Eucharistic Congress (IEC) sa Sugbo.

Si Msgr. Joseph Tan, tigpamaba sa artsidyosesis, nibutyag nga gisugdan na og bayad ang ubang supplier bisan nagpadayon pa ang congress.

Kagahapon, si Tan nibayad og P240,000 alang sa generator set nga gigamit sa technical ope­ration control sa IEC Pavilion sud sa usa ka semana.

Sa P300 milyones, P4.6 milyones ang bay­ranan alang sa satellite nga gigamit sa pag-broadcast live sa nagpadayon nga mga tigom sa Pavilion.

Mokabat usab sa P12 milyones ang bayranan sa mga bus ug ubang sak-yanan nga gigamit sa pagkuha ug paghatod sa mga delegado ug ubang mga bisita nga mga opisyal sa Simbahang Katoliko gikan sa gisak-an nga hotel ug host families paingon sa Pavilion ug pabalik.

Aduna usab bayranan sa mga caterer sa mga pagkaon nga gikaon sa gibanabanang 15,000 ka mga tawo, kadaghanan mga delegado ug volunteers, nga wala pa matino ni Tan ang kantidad.

Mobayad usab ang artsidyosesis sa giaba-ngan nga furniture, lamesa ug bangko nga gigamit sa mga venue nga gipahigayonan sa mga tigom.

Matod niya magtigom ang committee on finance nga gipanguluhan ni Msgr. Boy Alesna aron mahan-ay ang tanang bayrunon.

Sukad gilusad ang “Piso Para sa Misa ng Mundo” niadtong 2012, niabot na og P50 milyones ang natigom gikan sa mga parokya sa tibuok nasod.

Si Tan nidugang nga adunay tulo ka dagkong events ang ipahigayon sa Pavilion human sa 51st IEC diin ang mga organizer nananghid na ni Bishop Dennis Villarojo, secretary general sa IEC Cebu Committee samtang wala pay grupo nga modumala niini.

Si Tan nanghinaut nga pinaagi sa 51st IEC molig-on ang pagtuo ug debosyon sa mga tawo sa Eukaristiya ug mopaambit niini ngadto sa ubang mga nanginahanglan.

Si Tan mapasalamaton sa mga tawo nga nitambong sa mga kalihukan sa 51st IEC sama sa opening mass, misa ug prosesyon sa Kapitolyo, parish encounters, Visita Iglesia ug Statio Orbis.

“Dako kaayo og tabang ang ilang presensya sa atong mga kalihukan,” dason niini.

Ang artsidyosesis mopasidungog sa mga volunteers sukad pagsugod sa pagpangandam hangtod sa katapusang adlaw sa kongreso karong Pebrero 13.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph