SECTIONS
Saturday, May 25, 2019

Pagtuon, pag-ampo sekreto sa 7th placer

ESPESYAL nga lugar ang terminal alang ni Christine Lagmay Vicentillo, 24-anyos.

Alang niya ang terminal ang saksi sa kalipay ug kasub-anan sa mga pamilya sa mga kabanay nga mobiyahe sa laing lugar ug mopauli sa dapit diin kini nagagikan.

“I think terminal buildings are fascinating because the beauty is in the irony that they can be the happiest and saddest places. A place where you say “goodbye” or “hello” again,” nag­kanayon si Vicentillo sa iyang post sa iyang Facebook account human nahimutang sa ikaupat nga dapit sa Best Thesis ang ilang thesis sa iyang classmate sa kursong Bachelor of Science in Architecture sa University of San Carlos-Talamban campus, dakbayan sa Sugbo.

Matod niya ang iyang pamilya nakasuway usab og kalipay ug kaguol sa terminal dihang ang iyang amahan nga si Alex nilarga sa Singapore aron manarbaho isip electrical engineer sud na sa 10 ka tuig.

Ang pagdesinyo og terminal alang sa transportasyon ang usa sa mga pangandoy ni Vicentillo kinsa gianggaan sa iyang mga ginikanan ug higala og ‘Tinie’.

Ang pangandoy ni Tinie adunay dakong kahigayunan nga matuman human siya nakapasar sa Architect Licensure Examination (ALE) bag-u­hay lang.

Bisan og niangkon nga lisod ang eksaminasyon, siya nahimo nga top seven uban sa iyang average ra­ting nga 81 porsiyento.

Siya niasoy nga nagkurogkurog siya sa kalipay dihang iyang nahibaw-an nga nasulod siya sa top ten sa licensure exam.

“Sa among batch, we are expecting the worst. Pero nindot kaayo si Lord, gihatagan mi Niya og bonus, grabe ang Iyang grasya,” paambit ni Tinie dihang nahinabi sa Sun.Star Superba­lita kagahapon.

Sila tanang lima ka mga barkada sa USC ang pulos nakapasar sa exam.

Laing Sugbuanon nga gradwado sa Cebu Institute of Technology-Univer­sity nga si Dexter John Flo­rida Perral, ang nahimu­tang sa 4th place uban sa rating nga 81.70 porsiyento.

Sa 1,556 ka exami­nees, 866 ang nakapasar sa ALE.

Si Tinie niasoy nga usa ka adlaw sa wala pa ang eksaminasyon niadtong Enero 29 ug 31, 2016, niduaw siya sa simbahan sa Simala, Sibonga ug nag-ampo sa Ginuo nga hatagan og kalig-on sa pagtubag sa mga pangutana ug dili makulbaan.

Tinuod man nahitabo kini sa mismong examination day. “Katong nakulbaan ko nag-pray ra ko then nawala na akong kakulba,” dason niini.

Sa niaging buwan usab nag Visita Iglesia sila mga higala sa mga simbahan sa Sibonga, Carcar, City of Naga, San Fernando ug uban pang lungsod sa habagatang Sugbo.

Gawas nga nakapa­sar sa ALE, si Tinie usa usab ka lisensiyado nga master plumber human makapasar sa exam niadtong Septiyembre 2014.

Siya ang kamaguwa­ngan sa tulo ka magsuon nga pulos mga babaye samtang ang iyang inahan nga si Gemma, empleyado sa gobiyerno.

Bata pa lang si Tinie hilig na niya ang magdebuho ug aduna na siyay paghigugma sa architecture ug arts.

“Ang architecture nindot siya nga appreciation both art and sciences,” dugang niya.

Siya nidasig sa kabataan nga nangandoy mahimong architect nga dili buhian ang pangandoy, maningkamot ug magkugi sa pagtuon ug mangayo og gabay sa Ginuo.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!