SECTIONS
Monday, May 20, 2019

Debate way kapuslanan: Davide

WAY kapuslanan ug pag-usik-usik lang sa oras ang pagpahigayon og debate tali ni Atty. Winston Garcia, gubernatorial aspirant sa One Cebu Party, matod ni Gobernador Hilario Davide III.

Human napahigayon ang debate sa mga kandidato sa pagka presidente sa nasod sa umaabot nga piniliay sa Mayo niadtong Pebrero 21, nitumaw ang pa­nawagan nga magdebate usab ang lokal nga mga kandidato sa Sugbo sama nila ni Cebu City Mayor Mike Rama batok ni kanhi mayor Tomas Osmeña ug Davide batok ni Garcia.

Apan alang sa gobernador dili na kinahanglan ang magdebate.

“Let the people the ultimate judge sa ingon niining political exercise,” pa­mulong ni Davide.

Matod niya pag-usik-usik lang sa oras ang pagpahigayon niini.

“I have better things to do than engage Garcia in a debate,” dason niini.

Si Garcia unang niingon nga andam siya molingkod sa forum uban si Davide aron tukion ang isyu bahin sa pagpadagan sa Kapitolyo sa mga provincial ug district hospitals sa lalawigan sa Sugbo.

Si Davide niklaro usab nga hinabang alang sa mga mag-uuma nga naapek­tahan sa el niño ang ilang gipanghatag nga relief goods sa kalungsuran sama sa Liloan, sukwahi sa pasangil sa kampo ni Garcia nga ang relief goods nga alang unta sa mga survivor sa bagyong Yolanda ang gipanghatag nila ni Davide sa mga lugar nga wa maapektuhi sa supertyphoon, a­­­ron makakuha og suporta sa mga tawo alang sa ilang pulitikanhong interes.

“Mao na nakabati nila ba kahibawo sila nga programa sa gobiyerno, ilang gipulitika,” dugang sa gobernador.

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!