Frias: Kung nahitabo parehas sa tuig 2003

USA sa peligro ang dula nga boxing bisan man lugar amateur ang kategoriya niani ilabina mga padula sa Amateur Boxing Association of the Philippines (Abap).

Bisan tuod nakasuot ang amateur boxer sa head gear, dili pasabot nga libre siya sa pagkaangol.

Tuig 2003 sa ikatulong Mindanao Friendship Games didto sa Mati, Davao Oriental, seryosong naangol ang pangang dapit sa dagway sa boksidor gikan Cagayan de Oro.

Gani, nagproblema niadto ang head delegation sa boksing nga si Barangay 6 Chairman Mario Eronico.

Tungod sa kagamay sa pundo ug suporta sa dakbayan niadtong tungora, mismo si Eronico nalang ang nisagot sa tanan gikinahanglan pagpatambal labina ang paghatod pauli sa naangol. Apan, nibitbit siya sa dakong pagmahay.

Sa bagohay lang nahuman nga Philippine National Games (PNG) National Championships didto sa Pangasinan, nilangkat og lima ka bulawan, usa ka silver ug tulo ka bronze ang Cagayan de Oro Boxing Team.

Apan gamay para kanila ang ayuda nga gihatag sa dakbayan, matod sa impormasyon nga nadawat kanako.

Mismo si Beh Barothy Hung, kinsa nagdumala ug nagpadala og muay thai team sulod sa bando sa dakbayan, ang nibulgar sa sitwasyon sa boxing sa Team CdeO.

Gani, ang Team CdeO Muay Thai Team, diin wala nagsalig og suporta gikan sa dakbayan, nipupo og tagsa ka gold ug silver gikan nila ni Jonathan Polosan ug Maico Fernandez, sunodsunod.

Wala kaha naghunahuna ang City Hall kung naay mahitabo susama sa na-experience ni Eronico labina nga walay igong suporta?

Pasumangil kasagara sa City Hall kay zero budget kuno tungod sa pagbabag sa mayoriya sa konseho.

Kung mao man kana, manirado nalang ang City Hall kung zero man gyud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph