SUGDAN karong adlawa ang 2016 Kaamulan Open Chess Tournament nga ipahigayon sa Bukidnon State University Audio Visual Center, Malaybalay City.
Dugokon ang duha ka adlaw nga torneyo sa kadalaing lugar sa Northern Mindanao labina nga adunay kompirmado moapil gikan sa Cagayan de Oro sama ni Nazario Ubanan.
“Sure to moapil si Ubanan sa torneyo kay sige to hisgut nga moadto,” ingon sa iyang higala ug usa sa mga class A player sa Cagayan de Oro nga si Johnnel Balquin.
Nadunggan sab si National Master Levi Mercado nga modayo sa torneyo, diin mokabat kapin P15,000 ka mga premyo ang paabton sa mga mananaog sa open nga kateogriya.
Andam sab si Jeriel Manlimbana nga depensahon ang iyang teritoryo sa Malaybalay batok sa mga dayo nga gaapas sa P5,000 first prize.
“So far, mao ni among kinakusgan nga pambato sa Malaybalay ug tibook Bukidnon,” ingon ni tournament organizer ug Barangay 6 Chairman sa nga si Bobby Jay Dinlayan.
Anaa sab women’s ug kiddies category sa maong torneyo.