Ubanan salo sa unang pwesto

NIBANGON ang Kagayanong si Nazario Ubanan gikan sa maluyahong pagsugod aron maabtan niya pagsalo sa unang pwesto atol 2016 Kaamulan Chess Tournament, diin nahuman niadtong Domingo sa Bukidnon State University, Malaybalay City.

Nisalo si Ubanan nila ni Ramil Sayaboc ug Jeriel Manlimbana nga parehas nihuman sa 5.5 puntos matag usa sa 7 rounds Swiss System format sa torneyo.

Apan, gideklarar nga kampyeon si Sayaboc human miangkon og dakong puntos sa bucholz tie-break.

Nahulog si Ubanan ug Manlimbana sa ika-duha ug ika-tulong pwesto, sunodsunod.

Nataboan si Ubanan og duha ka sunod-sunod nga tabla nila ni Benjamin Guimong ug Ronald Ompoc sa unang duha ka round.

Gikan ana, naharos ni Ubanan ang iyang sunod-sunod nga tahas hangtod sa ika-unom nga round bago pa man nagtabla sila ni Manlimbana, garbo sa Malaybalay, sa kataposan nga round.

Gikomposar sa rapid classical ang unang upat ka round sa torneyo ug rapid 960 sa kataposang tulo ka round.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph