ANG epektibong komunikasyon importante sa relasyon tali sa nurse ug pasyente. Importante usab sa luwas ug epektibong nursing care.
Apan unsaon sa komunikasyon kon dunay babag niini? Unsaon ang epektibong komunikason sa nurse sa iyang deaf patient?
Mao kini hinungdan nga ang Gualandi Volunteer Service Programme, Inc (GVSP) ug Cebu Gualandi Association of the Deaf (CGAD) nakig-alayon sa College of Healthcare Sciences-University of San Carlos sa pagtubag sa maong mga pangutanan pinaagi sa tulo ka adlaw nga workshop bahin sa Deaf Awareness and Basic Filipino Sign Language niadtong Mayo 5 ngadto sa 7, 2015 sa graduating Nursing students sa unibersidad.
Ang tulo ka adlaw nga workshop gihimo sa ni John Paul Maunes, executive director sa GVSP; Ronnie Lim, presidente sa CGAD; Janice Aparri, bise presidente sa CGAD; Michelle Gabisan, CGAD adviser; Roslyn Onglatco, CGAD treasurer; Ma. Jera Lepatan, Public Relations Officer sa GVSP; Karen Dianon, GVSP staff ug FSL Training Officer.
Ang mga tinun-an gipaubos sa sesyon bahin sa Deaf Awareness aron pagtbang kanila sa pagdiskubre bahin sa kultura sa Deaf community, Deaf Rights ug Communication Principles ug Tips. Videos.
Gihimo ang workshop nga mas intersado, sama sa pagpakita sa emergency response sa Deaf clients video lakip sa Korean film nga nag-ulohan og “The Crucible” sa dugang pagsabot sa ilang workshop ug importansiya sa pagduso ngadto sa sosyodad.
Katumbas usab sa importansiya, ang mga tinun-an gitudloan sa Basic Filipino Sign Language (FSL).
Sila gitudloan unsaon sa pagpaila sa ilang kaugalingon ngadto sa mga pasyente, basic greetings ug words nga importante kaayo sa healthcare. Gihatagan sila og duha ka written examinations ug practical examination aron makakat-on sila. (PR)