SUKWAHI sa mga nangaging Bb. Pilipinas, nahibong ko karon wala nila hatagig importansya ang probinsya sa mga kandidata.
Di ba sa swimsuit or gown competition, naandan na man inig rampa sa kandidata naa gyud nang pangan sa ilang lugar nga i-flash sa TV, pero karon wala. Mga hobbies hinuoy gibutang.
Ang mga host wala sad mosulti kon tagadis-a na sila. Igo ra motawag sa pangan ug candidate number, pero way hisgut kon taga-timbukto ba na? Spratley ba na?
Infairness, si Xian Lim nag-improve isip host kumparar sa miaging tuig. Mas duna sad silay chemistry ni KC Concepcion kumparar ni Toni Gonzaga nga gisaway sa miaging tuig kay gihimong comedy ang pageant.
Ang manghud ni Bianca Manalo although naay mga comment nga maorag iya rang gisunod ang style ni Pia Wurtzbach, but not bad for a first-timer like Nichole. Mahimo siyang mobalik og compete sunod tuig.
Buhi ang EDSA
Niadtong Dominggo, gikan mi sa akong pamilya sa SM Seaside dihang tayming pag-agi sa among gisakyang MyBus sa Plaza Independencia nikanta ang folksinger nga si Noel Cabangon sa stage.
Si Cabangon, Jim Paredes, Cookie Chua ug Bayang Barrios maoy pipila sa OPM icons nga nituyo og ari sa Sugbo sa miaging semana aron paluyohan ang anti-Bongbong Marcos campaign rally pinaagi sa concert.
Ug base sa turn-out sa crowd nga akong nalilian sa bintana niadtong gabhiona, makaingon ko nga buhi ug nagdilaab ang espiritu sa Edsa sa mga Cebuano.
Kulatado
Sakto ang atong balita sa Laysho niadtong Dominggo nga dili katunga (or motunga?) si Bongbong Marcos ug Gringo Honasan sa vice presidential debate sa ABS-CBN.
Dili man gud to apil sa PiliPinas Debate series sa Comelec mao nga dili ra obligado ang ilang presensya. Pero bisag wala si Bongbong, kulatado siya nilang Cayetano ug Robredo sa maong debate.
Ang akong gikahibudngan nganong No. 1 si Bongbong sa vice presidential survey. Tingali sa Luzon kusog si Bongbong apan sa Cebu? Not in our lifetime!
M. Talents
Karong Abril 21, Huwebes, si Miss World 2013 Megan Young na sad ang motikang sa Sugbo alang sa Summer Food Festival sa City Time Square plus dunay back-to-back show ang K pop sensation nga Top Secret ug ang all-female PowerTrio ubos sa pagdapit sa M. Talent Events and Promotion ni Ms. Aida Patana.
Karong Abril 30, naa say meet ang greet sa Sugbo ang Kapamilya actor Ian Veneracion, kinsa usa sa mga hurado sa miaging Bb. Piliipinas 2016. Si Ian mobisita sa 138 Mall sa Colon ubos gihapon sa pagdapit ni Ma’am Aida, ang yaya ng mga artista. Laysho!