Cavs, Heat 2-0 na

MIPAKATAP og 27 puntos si LeBron James samtang si J.R. Smith mipabuto og pito sa 20 ka triples sa Cleveland nga nakatabla sa NBA playoff record sa dihang ilang gipalyar na usab ang Detroit Pistons, 107-90, nga nagbingat sa ilang bintaha sa series, 2-0, kagahapon.

Ang top-seeded nga Cavs mibaliwala sa rally sa Pistons sa third quarter, 27-15, aron pro­tektahan ang ilang home-court advantage.

Dili sayon ang unang duha ka kadaugan sa Cavaliers, kinsa inilog nga maoy modominar sa Eastern Conference ug mobalik sa finals, ug kinahanglan dugangan pa niini ang ilang kadasig sa dihang motabok na ngadto sa korte sa Pistons ang series karong Biyernes (Sabado sa Pilipinas) alang sa Game 3.

Midugang og 22 puntos si Kyrie Irving alang sa Cavaliers nga nakatabla sa postseason record sa Golden State (2015), Dallas (2011) ug Seattle *1996).

Nangulo sa pildirong Pistons si Andre Drum­mond nga may 20 puntos, 14 usab ang nahimo ni Reggie Jackson kinsa nasugamak sa ikanapulong sunodsunod nga playoff batok sa Cleveland.

Heat 115, Hornets 103

Giinat usab sa Miami Heat ang ilang bintaha sa series (2-0) batok sa Charlotte pinaagi sa pagkulit og 115-103 nga kadaugan.

Sama sa gihapon, ang beteranong si Dwyane Wade mipahagsa og 28 puntos ug walo ka assists, samtang si Hassan Whiteside way sipyat sa ilang walo ka itsa ug mitapos kini og 17 puntos aron pahugtan ang ilang kampanya sa Eastern Conference first round series.

Si Luol Deng adunay 16, Josh Richardson mitapos sa duwa nga may 15 samtang si Whiteside midugang og 13 ka rebounds alang sa Miami.

Maayo unta ang napakita ni Kemba Walker sa opensa sa Charlotte human kini mipuga og 29 puntos apan ang kakuwang sa suporta sa uban maoy nahimo nilang haw-ang.

Ang Game 3 adto na usab sa korte sa Char­lotte karong Sabado (Dominggo sa Pilipinas).

Clippers 102, Trail Blazers 81

Wa usab magpabitin ang Los Angeles Clip­pers ug pinaagi sa 25 puntos ni Chris Paul ug sa 17 ni J.J. Redick ila na usab nga gilubong ang Portland Trail Blazers, 102-81, alang sa ilang 2-0 usab nga bintaha sa playoff series.

Ang Game 3 adto na usab sa Portland.

Nakatampo usab si Blake Griffin og 12 puntos ug siyam ka rebounds ug milangkat usab og 18 ka rebounds si DeAndre Jordan.

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph