KON nakasuroy mo sa SM Seaside City Cebu ug SM City Northwing, siguradong nakakita ug nakadungog na mo sa The Kars pero tingali wala lang mo kaila. Kanunay silang tapuk-an sa mga mahiligon og musika tungod kay siguradong makasakay ang tanang pangidaron sa ilang sonata. Sa unang higayon, excited ang The Kars nga mopaambit sa mga makalingawng kasayuran bahin sa ilang banda. Dali, sakay na mo sa biyaheng langit sa mga huni ug awit sa laing homegrown talent nga nagpakitang gilas karon sa Sugbo. The Kars, Ssssuper Ka!
Ngano gitawag mo og The Kars?
REGINE: Gikan na sa initial sa among mga pangan. Kenneth Machacon (bass), Anton Aaron Mansueto (guitar/vocals), Regine Karmel Mae Gozo (vocals) ug Sting Espinoza (drums/vocals).
Asa mo sagad magtukaran?
STING: SM City Northwing, SM Seaside Sky Park, ug Radisson Blu.
REGINE: On top of that, kaming duha ni Anton also perform as acoustic duo sa Marriott Hotel every Monday at 6 p.m.
ANTON: Sometimes we also play as trio or five-piece band. Depende unsay gipangita sa client. Pero kaming upat mao gyuy regular members sa banda.
KENNETH: We have an additional member with Jeremy Halibas (saxophone player) as guest artist.
Daghan lagi mo og fans sa SM Seaside ug SM Northwing?
REGINE: Naa sad kay we also play our own original compositions.
STING: Naa mi mga composition pero wala pa lang namo ma-record as a group. Both English and Tagalog.
Unsang mga kantaha?
REGINE: One of my original compositions is Tiktak. It’s a Tagalog song about a girl nga naghuwat nga panguyaban sa guy nga iyang close friend.
STING: Ang title sa akoa is “Distance” nga gi-composed sa akong friend nga tua na sa UK nag-base. She wrote it because of the situation namo sa akong wife nga distant relationship.
ANTON: Naa sad koy EP (extended play) album nga dunay upat ka English songs, ang pinaka-favorite ang “Superwoman.” Iyang feel maorag Santana. Na-launch na nako last year sa Monastery, kadtong Outpost sa una.
Unsa mong adlawa sa SM City?
ANTON: Dili magpareha pero karong Wednesday (April 27) naa mi sa SM Seaside Sky Park, 5 p.m. to 7 p.m. Two sets per day and 45 minutes per set.
Pila na katuig ang The Kars?
STING: Three years. Pero high school pa lang manukaray nako kay akong papa Noel Espinoza vocalist ug bass guitarist man sa Purple Notes sa Jazz `n Bluz sa una. Tua na siya sa Amerika tigduyog sa simbahan. Na-influene sad ko sa akong lolo Fred Espinoza (kanhi senior reporter sa Sun.Star Cebu) kay mokanta man sad to. Tua siya sa Dumaguete mga almost 90 nay edad.
REGINE: Ako sad bata pa magkantahan na ko kay piyanista man akong papa.
Wala ka niapil og singing contest?
REGINE: Niapil ko sa Tawag ng Tanghalan sa It’s Showtime. Daily winner ko February pero wa ko kadaug pag-challenge nako sa champion. More on birit man gud sila, akong genre kay more on jazz and bossa nova man.
Naa pa’y nag-eskuwela ninyo?
KENNETH: Graduate na ko Computer Engineering sa CIT.
ANTON: Wala ko kahuman kay pag-4th year college nako nag-fulltime man dayon ko sa banda, gitarista ko sa Heartbeat, Age of Play, Serendipity. Naga-negosyo sad ko og sound and light paabangan.
REGINE: Actually, partner mi ana nga business ni Anton bag-o pa lang. Ako nag-Tourism, then nag-Hotel Restaurant and Management sa Leyte Normal University kay taga-Leyte man jud ko.
STING: Nag-work ko before as nursing aide sa Chong Hua Hospital.
JEREMY: Graduate kog Electronics Communications Engineering sa MSU sa Iligan. Nibalhin ko sa Cebu kay daghan rebelde didto kuyawan ta. Nag-teach sad ko dire og music.
Unsay inyong repertoire?
KENNETH: Variety. From Top 40s, pop and alternative to RnB, party music and retro.
STING: Among target is private party such as wedding, birthday, debut, company party or any special occasions.
ANTON: Mao nga wa gyud mi namuwesto kay focus mi sa events.
Unsay mga dagko ninyong natukaran?
REGINE: The free Sinulog concert.
STING: Naka-front act sad mi og mga sikat nga artist, like David Pomeranz, Jimmy Bondoc, Yeng Constantino…
Two to three years from now, asa na kaha ang The Kars?
STING: Dream gyud nako makahimo og album.
ANTON: We don’t know kon asa na mi. All we want now is to record our songs in one album as a band.
REGINE: Open mi sa tanang possibility, be it as a trio or acoustic duo with Anton (iyang real-life sweetheart for three years now). We’re always here to support each other kay kon unsa may success sa usa, success usab sa tanan.
JEREMY: Ako one year pa lang nila pero ma-feel nako ilang sincerity and we all share the same passion for music.
KENNETH: Our relationship is like one big happy family. Makita ug madungog na bisan sa among tinukaran mao tingaling daghan ganahan sa among music.