HAPIT na mapupos ang summer, ug kung laag sa beach ang hisgutan, di mawala sa listahan ang Isla Reta Beach Resort sa Talicud, Island Garden City of Samal (Igacos) ang puwedeng pilian nga kalulinghayawan.
Maayong destinasyon ang dapit gumikan sa kabugnaw sa mga cottages nga anaa gipahimutang ilawom sa dagkong punoan sa talisay.
Kung seguridad ang hisgutan, safety kaayo ang dapit gumikan 24/7 ang mga security guards sa palibot sa maong beach.
Sumala ni Mario Reta, tagdumala dinhi nga nagkataas matag bulan ang ihap sa mga bisita, langyaw man o mga local visitors.
"Nagkadaghan gayud ang atong mga visitors kay mangistorya man ang naka-anhi, nga nindot gayud diri," ingon ni Reta.
Free na ang mga cottage nga Nipa hut, ug talisay table, samtang kung gusto mo-renta sa usa ka balay for family, swak kaayo sa ilang mga nindot nga simi valley house.
Ang kolor azure nga tubig dagat ug ang kaputi sa balas maoy tiunay nga makapahupay sa kakapoy.
Sama sa maghigalang Roxy, Luvmay ug Peejay nga maoy nakapahupay sa stress gikan sa trabaho.
Kung like ninyo ang dapit, mosakay lang og lansa nga padung sa Talicud Island didto sa pantalan sa Sta. Ana dakbayan sa Davao.