TUNGOD sa init nga pagdawat sa nauna nilang mga proyekto, ang unang condominium project sa Damosa Land Incorporated padayon sa pagbansiwag ug pagtubag sa gipangita sa ilang mga kliyente.
Sa nakalabay nga Mayo 14 ning tuig, ang Damosa Land Incorporated mipresenta sa Tower 5 sa Seawind sa usa ka Summer Party diha sa Pearl Farm Marina Wharf, nga gitambungan sa ilang mga buyers, investors, bisita lakip na executives.
Ang condominium project nahimutang sa 2.7 ektarya nga luna diha sa Km. 11 sa Sasa, ning siyudad.
Ang condo project gilangkuban sa unom ka residential buildings, tulo niini pito ka andana nga may 168 units samtang ang laing tulo walo ka andana nga may 192 units, ug two storey commercial center.
Mabulukon sab ang kagabhion inubanan sa colorful outfits sa mga guests.
Uban ang good music, overflowing nga pagkaon ug ilimnon, lakip na makatakod nga happiness gikan sa mga bisita nga midaug sa gihimong raffle draw.
Nasayran nga ang Tower 5 sa Seawind usa ka resort-inspired condominium project nga nahimutang sa lokasyon nga may perfect view sa Davao City ug Samal Island.
Ma-enjoy sab nimo ang daghang amenities lakip na ang green architecture rason nga best choice kini, di masakripisyo ang imong gi-invest nga salapi.
Ang kalihukan gitambungan ni Damosa Land Incorporated Vice President Ricardo "Cary" F. Lagdameo nga mapasalamaton sa tanang suporta nga nadawat sa ilang kompanya.
"If you've been around you can see that Damosa Land is very supportive and always been supportive of Davao's growth. Change is coming, now change is here," ni Lagdameo.
Pipila sab ka local artists ang mihatag og lingaw sa aktibidad.
Alang sa dugang kasayuran labot Seawind, mamahimong duawon ang ilang model unit sa Damosa Land showroom and customer lounge sa Damosa Complex.
Subaya sab ang ilang website nga www.damosaland.com sa dugang detalye.