HUMAN namahayag si incoming President Rodrigo Duterte nga unahon niya ang interes sa nasud kaysa iyang mga higala, daling nagpatawag press conference ang suod niyang higala, Pastor Apollo Quiboloy sa Jesus Christ The Name Above Every Name.
Suma ni Quiboloy nga wa siya nasakitan sa pahayag ni Duterte ug magpabilin siyang higala hinungdan nga nag-ampo ug nagpuasa siya alang sa umaabot nga pangulo.
"Gusto ko lang i-clarify yung mga bagay na number one na akoy nagtampo. Hindi po dapat yun na word kasi hindi po ako nagtatampo kay mayor dahil sa pangyayari na sinabi doon sa news. Mali po yung word tampo, hindi po ako nagtatampo," sulti ni Quiboloy didto sa Kingdom of Jesus Christ The Name Above Every Name Complex kagahapon sa buntag.
Giingon ni Quiboloy nga nasabtan niya ang umaabot nga pangulo tungod kay halos 24-oras na nga nag-atiman sa mga bisita nga buot makigkita kaniya.
Si Quiboloy nagkanayon nga tungod kay suod sila ni Duterte daghan ang miduol niya aron ipadangat ang ilang katuyoan sa umaabot nga presidente.
"Wala naman talaga akong pakialam dun sana, pero sinasabi ng mga tao ang concern nila ay gusto ko na ma-input din kay mayor," sulti ni Quiboloy.
Si Quiboloy nagsulti nga iya lamang giingnan ang mga tawo nga pwede nilang isulti kaniya ang ilang tuyo ug kung mahigayon siya nga maistorya ang mayor, iyang mapaabot ang ilang katuyoan sanglit wa siyay labot sa transition team.
"Sabi ko sa kanila na hindi naman talaga dahil busy sila at hindi naman ako kasali doon," sulti ni Quiboloy.
Siya nagsulti nga nakahigayon na unta siya makig-istorya kang Duterte, "Pagkatapos nun, ako ay may chance na makipag-usap kay mayor, pero na-cancel yung schedule doon sa prayer mountain."
Tungod niini, suma sa pastor, nag-ampo siya alang sa nasud ug sa administrasyon ni Duterte.
"Malalim yung aking prayer and fasting na hanggang ngayon nga ay hindi pa ako masyadong nakakain ng mabuti, ngayon lang ako nakalabas," sulti ni Quiboloy gikan sa lima kaadlaw nga puasa.
Ang respetadong pastor nanawagan karon sa katawhan nga mag-ampo alang sa liderato ni Duterte nga molingkod isip pangulo karong Hulyo 1.
Una niini, namahayag si Duterte nga di siya buot nga mahatagan og kolor ang iyang pagpili sa mga miyembro sa gabinete sa iyang mga suod nga higala.
Suma ni Duterte iyang unahon ang insteres sa katawhan sa nasud uwahi na ang mga higala nga nakatabang kaniya sa kampanya.
Ang maong pahayag gidayeg sa katawhan tungod kay nakaseguro sila nga di magawngan ang sunod nga pangulo sa nasud.