MGA maanyag nga kababaihan, inubanan sa hunk male models gikan dinhi sa dakbayan, ang bag-uhay lamang naghiusa alang sa pagpahigayon og kalihukan, agig selebrasyon sa kadaugan ni Davao City Mayor Rody Duterte isip ika-16 nga pangulo sa Republiko sa Pilipinas.
Ang fashion show event nga gitawag og “The Shimmers...Stunning Creations by Stunning Events & Weddings” nila Christopher “Toffy” Pontinez Ledesma and Richie Uy gihimo sa Felcris Centrale, Mayo 19 ning tuig.
"Bale nagka-usap-usap lang to come up with an event, we are so glad kasi lahat willing to showcase an event na libre and walang bayad. It's our way of showing our support to the new administration," ni Christopher Rivera, usa sa organizers sa kalihukan.
Dugang ni Rivera nga ang fashion show nahimo sab nga posible inubanan sa ayuda sa Young Entrepreneur Hub Artists (Yeah Davao) sa pagpanguna ni Jerebe June Sumalinog ug Axel Domingo. Anaa sab si Toffy Ledesma nga maoy naggiya sa pipila ka local models nga misalmot sa kalihukan.
Ang Infinity Still and Motion Studio misuporta sab pinaagi sa pagpaabot sa ilang photo and video coverage sa event.
Ang blue and red gowns nga suot sa mga babayeng modelo gitunol sab ni Ms. Ivy Legados.
Pipila sab ka mga beauty queens gikan dinhi sa dakbayan ang mipaambit sa ilang suporta.
Ang Mutya Ng Davao (Diwa ng Davao) 2016, Ms. Dane Rhea Sillo ug Ms. Christine Joy Bermudo, Mutya ng Bangkerohan 5-A 2016 and SunStar Superbalita Reader's Choice Awardee karon nga tuig ang year confident nga mirampa suot ang ilang elegante ug maanindot nga gowns.
Ubang local models nga mipakita sab sa ilang best atol sa event mao sila Jam Gonzales, Claire Aznar, Weam Amed, Glydel Dela Cruz, Princess Jaji, Pearline David, Jay D. Balascopo, Rex del Rosario, Khen Haron, Rungene Berato ug Ken Rustle.
Mas mianyag ug mi-gwapo sab ang mga modelo tungod sa make-up nila Brian Berdos and Orwin Pingol.
Mga Dabawenyos wa lamang na-enjoy sa spectacular fashion show apan nakita sab ang mga makabilib nga creations sa mga Davao designers and make-up artists.
Ang kalihukan usa lamang sa highlight sa usa ka semanang summer trade fair sa Yeah Davao.