DAW gitabunan sa langit ang usa ka bana dihang iyang masakpan ang iyang pito ka bulang buntis nga misis nga nakighilawas sa ilang silingan.
Ang insidente nahitabo Dominggo sa kaadlawon atbang lamang sa istasyon sa Buhangin Police Station sa Nazareth Street, Barangay Buhangin Proper, dakbayan sa Davao.
Sa impormasyon nga nakalap sa Sun.Star SuperBalita Davao gikan sa usa ka pulis nga nadestino sa Women and Childrens' Protection Desk (WCPD) sa Presinto 5, nasayran nga gikan sa trabaho ang mister nga si alyas Mario.
Sa pag-abot niini sa ilang giabangan nga balay, naabtan niya ang iyang asawa nga si alyas Mercy nga hubo ug mipatong sa ilang silingan nga si alyas Pidot, 25, ulitawo.
Daling nag-panty iyang misis samtang dali sab naka-ilis og short pants si Pidot dayon midagan sa gawas, apan naapsan niya kini mao nga nagkasinumbagay sila.
Gipangdala sila sa istasyon sa pulis apan wala na gipapriso sa bana iyang asawa sanglit buntis kini, samtang wa na sab gipapriso ang lalaki nga gika-sex sa iyang misis. (JPC)