Roach mas pabor sa Pacquiao-Broner fight

MAS mopabor si boxing trainer Freddie Roach nga si Adrien Broner maoy makontra ni Filipino icon Manny Pacquiao ug kon kini makahukom nga mobalik og away ibabaw sa ring.

“It’s a good fight, definitely, style-wise,” matod ni Roach sa interview sa Boxing Scene. “(Broner is) a little bit flamboyant and so forth, but he’s not impossible to hit. He’s no Floyd Mayweather.”

Si Broner miidolo sa Floyd May­weather Jr. sa sayong bahin sa iyang career, apan ang pagtinagdanay dili perming mag-ayo ning bag-ohay lang.

Niadtong Abril, gikakontra ni Broner ang usa sa mga fighter ni Mayweater nga si Ashley Theophane ug iya kining gi-knockout sulod sa siyam ka round.

Ang iyang kadaugan batok ni Theopahe maoy iyang ikaduha sukad sa iyang kapildihan ni Shawn Porter pinaagi sa desisyon niadtong Hunyo 2015.

“At least he (Broner) tries to fight,” matod niRoach.

Nakasinati si Roach ni Broner sanglit nagkahimamat sila ni Broner niadtong ikaupat nga professional fight niini batok ni Terrance Jett niadtong 2008.

“He was a much different person back then,” dugang ni Roach. “He was real nice to me.” But the old Manny is coming back a little bit, and I can’t wait to see the fight. We’d be going for the knockout.”

Sukad niadtong 2009 si Pac­quiao wa na gyud makatilaw og knockout nga kadaugan. Katapusan niyang gi-knockout si Miguel Cotto sa uwahing ika-12 ka round.

Natumba niya sa Timothy Bradley og ka duha ka higayon sa ilang ikatulong rematch niadtong Abril apan wa gyud kini niya ma knockout.

Si Pacquiao wa pa mohisgot kon mahinayon ba ang iyang pagbalik og away bisan pa man og aduna nay petsa 15 sa Oktobre sa Las Vegas nga naka-reserved ang iyang promoter nga si Bob Arum sa higayon nga siya modesider nga moawayg balik.