Albor: Hawid sa kalihokan sa Hulyo

PERSONS with Disabilities (PWD) Month. Pagtukod nianang kultura ug inspirasyon ngadto sa dunay kabilinggan sa panglawas. Pagpalambo sa dignidad, respito ug paghatag kanilag gahom nga gitambayayongan sa pinitik sa kasing-kasing sa gobyerno ug pribado. Bisan sila mga buta, bakol, buktot, kimpang, libat, bungi ug pungkol duna gihapoy sugilanon nga ikasaysay. Bulhog maoy hari sa mga buta. Labawng buta kadtong bungol sa pagpakabana. Hawid sa kalihokan pagplastada sa ilang mga produkto sa photo exhibits, pinintal, programa, agig pag-ila sa ilang kaantigohan ug kahanas. PWD sa siyudad giamuma pinaagi sa P5,000 matag tuig nga hinabang pinansyal. Adunay 9,268 ka PWD ang dakbayan sa Sugbo.

National Disaster Consciousness Month. Gipanday ang Republic Act 10121 pagtukod sa Risk Reduction and Management Council gikan sa barangay, lungsod, siyudad, probinsya ug nasod. Magtagbo alang sa disaster preparedness nga gilig-on sa Executive Order 137 alang sa kasiguroan ug kabulahanan sa tanan. Aktibong partisipasyon sa nagkalain-laing sector ubos sa panagtagbo sa Pag-asa, Phivolcs, DOST, DENR, DPWH, DSWD ug ubang ahensya sa gobyerno. Mag-umol og mga plano, pagresponde, pagpahiuli ug panaghugpong aron kapangandaman ang bagyo, baha, linog, buhawe, alimpolos, paglusno sa yuta, pagbuto sa bulkan, hulaw, tsunami ug tidal wave.

National Nutrition Month pinasikad sa Nutrition Act (PD49). Magpili sa himsog ug balansi nga pagkaon alang sa sanag nga panglawas sama sa prutas, utanon ug uban pang tugob sa bitamina ug minerales aron moislag ang sakit. Gisugyot ang breastfeeding kay ang gatas sa suso sa inahan maoy labing luwas ug limpyo. Salmot sa forum, lectures, seminars, exhibits, sports festivals, contests, feeding program, pagpananom sa mga utanon ug bungahoy.

Blood Donation Month. Bayani ang modonar og dugo kay makaluwas sa kinabuhi ilabina kon dunay dengue, disgrasya ug katalagman nga wala nato pangayoa. Busa angayng duyogan ang bloodletting activities sa Phil. Red Cross, health workers, local govt. units ug private sectors.

Hulyo 4, 1946 saulogon ang Fil-Am Friendship Day. Liberasyon batok sa mga Hapon human mapilde sa World War 2 sa 1942-1945 kay gilabanan kita sa mga Amerikano pinangulohan ni Hen. Douglas Mc Arthur.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph