Skating camp ni Martinez sa SM Seaside gisugdan

GISUGDAN na kagahapon ang two-day skating camp ni Filipino Olympian figure skatesi Michael Martinez sa SM Seaside City sa South Road Properties (SRP), Mambaling, dakbayan sa Sugbo.

Ang maong nga motapos ka­rong adlawa, maghatag og kahi­gayonan sa mga aspiring skater nga makat-on ug molambo ang ilang abilidad pinaagi sa pagtudlo ni Martinez.

Kagahapon aduna’y kapin 30 ka mga skaters ang niapil ug nakahigayon kini sa one-on-one session ni Martinez.

“It has always been my hope to begin a formal program in the Philippines in which I could help raise more Filipino figure skaters ready for the international arena,” si Martinez nagkanayon.

Ang SM Lifestyle Entertain­ment Inc. (SMLEI) kauban ang SM Skating ug si Martinez maoy naghiusa aron aron mamahimong posible ang maong skating camp.

Matod sa pangu sa SMLEI Sports and Development nga si CJ Sua­rez nga tumong nila mao ang pag­suporta sa damgo ni Michael aron usab sa ma-agni ang tanang aspiring skaters nga magmalam­puson isip Olympic athletes.

Nagmalaumon usab sila nga mamahimong matag tuig na ang maong skating camp ug kini himu­on sa panahon nga walay kom­petisyon nga salmotan si Martinez sa laing nasod.

Adunay ipahigayon nga meet and greet sa iyang mga fans sa alas 2:00 sa hapon ug sa alas 6:00 ngadto sa alas 9:00 sa gabii ug ingon man mohimo na usab kini og laing one-on-one session ngadto mga partisipante.

Sa wala pa ang maong camp, aduna usab kini laing training camp nga gipahigayon sa laing mga bran­ches sa maong mall lakip niini sa Mall of Asia ug sa Megamall sa Kaulohan.

Human sa last leg sa camp ni Matinez ingon man ice shows, mobalik kini sa Estados Unidos isip pagpangandam sa iyang sunod nga panagtigi sa buwan sa Agusto.

Alang sa gusto moapil sa maong skating camp mamahimong mobisita sa maong mall aron magpa-rehistro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph