“THE Greatest Love” ang bag-ong teleserye sa Kapamilya Network nga sa pagpagawas sa unang trailer nautingkay ang tanan labi na ang Netizens.
Usa sad ko sa na-impressed ug nahimong interesado sa maong teleserye. Kon wa ko masayop basin mao kini ang mahimong hulip sa umaabot nga pagtapos sa “My Super D.”
Pero kon mao man gani kini ang mopuli sa serye nilang Dominic Ochoa, Marvin Agustin ug Bianca Manalo sure hit na usab kini.
Ang estorya ani bahin sa usa ka inahan ug sa iyang mga anak, si Sylvia Sanchez ang bida dinhi uban sa iyang mga anak nga silang Dimples Romana, Matt Evans, Arron Villaflor ug Andi Eigenman.
Morag sa Kapamilya Gold gyud ni nato masundan ug sa mga gimingaw ni Andi sa mga serye mao na kini ang tubag kay human sa iyang “Ma Rosa” balik tv ang anak ni Jaclyn Jose.
Pangpamilya kini ug sa trailer pa lang feel na nimo nga puno sa drama ang maong programa, ang mga anak niya dinhi may iya-iya usab nga sugilanon nga angay natong tutokan. Ayg saba.
Ang seksi ug guapang Cebuana nga si Ellen Adarna may partisipasyon usab isip ang batan-ong Sylvia Sanchez.
Unsa kahang klase sa mga problema ang atong masundan nila matag adlaw o hapon kaha? Dinhi usab masukod kon unsa gyud ang kinagusgang gugma sa usa ka inahan ngadto sa iyang mga anak.
Matag pamilya may problemang giatubang ug kon giunsa pagsulbad ug pag-atubang kini atong kapanaminan pinaagi ining bag-ong teleserye sa ABS-CBN ang “The Greatest Love” ay’g saba!