NAKASUD naba mo og lugar nga namungingi sa nagkadaiyang klase sa mga buwak?
Kon mobisita kamo sa nasud sa Singapore, ayaw ninyo og palabya ang pagbisita sa Flower Dome nga anaa nahimutang sa Gardens By The Bay.
Nakahigayon pagbisita ang manunulat ning mantalaan sa atraksyon ug sa pagtaak palang nimo sa ilang conservatory di ka magmahay sa kaanindot sa mga talan-awon sa sud.
Ang flower dome maoy nibuak sa Guiness World Records isip maoy labing dako nga glass greenhouse sa tibuok kalibutan sa milabayng tuig.
Sagad nga sud sa 1.2 ektarya nga dome mao ang nagkalain-laing mga buwak sa Mediterranean ug semi-arid nga rehiyon.
Kon imong tan-awon sa gawas, susama sa usa ka dakong bagal sa itlog ang dome tungod kay ang nagtabon niini ginama man sa bildo.
Di lang nagdaiyang mga buwak ang imung makit-an sa sulod niini, apan lakip na ang mga nagkadiyang klase sa kahoy nga imu lang makit-an didto pa sa ubang nasud.
Gikan sa labing gamay nga klaseng cactus nga imu lang makit-an sa mga ugang bahin sa Africa makit-an sab nimu didto.
Gipatukaran ug maanindot nga musika sa tagdumala ang sud sa dome ug base sa among pakisusi ganahan sab diay og music ang mga buwak hinungdan nga gituyo nila kini.
Matod pa nga ang mga arrangement ug disenyo sa mga buwak magdepende sud sa flower field niini magdepende sa nagkalainlaing season ug festival.
Sa mga flower lover, paniguradong ma-relax ug malingaw mo sud niini tungod kay matag suok sa dome nga ang gidak-on sama sa duha ka football field, selfie ug picture perfect gyud kini!
Sulit ang inyong mabayran nga P571.66 (16 Singaporean Dollar) sa atrasyon nga patok di lang sa mga managhigala, pamilya apan lakip sa mga mga mag-uyab.
Seguraduha lang nga naka-charge ug puno pa ang mga memory sa inyong cellphone ug camera aron inyong mahulagwayan ang matag buwak ug tanom nga inyo rang makit-an didto.