SIKOP ang kanhi mayor sa lungsod ug bana niini nga aktibong membro sa Bureau of Corrections atol sa gipahigayon nga operasyon sa mga awtoridad Sabado, Hulyo 23, sa Barangay Kauswagan, dakbayan sa Cagayan de Oro.
Sikop sa joint operation sa Philippine Drug Enforcement Agency (PDEA-10) ug Cagayan de Oro City Police Office (Cocpo) sila kanhi Mayor sa Maguing, Lanao del Sur si Johaira Abinal Macabuat alyas Mayora Marimar ug Major Suharto Macabuat kinsa na-destino sa Fort Bonifacio, usa ka Sonny Santican ug Kate Abinal.
Nagpahigayon ang PDEA-10 ug Cocpo og search warrant sa panimalay sa magtiayon kinsa giingong maoy supplier sa ginadili nga druga sa pipila ka mga rehiyon sama sa Rehiyon X (Northern Mindanao), XI (Davao Region), XII (Soccksargen), XIII (Caraga) ug sa Armm.
“Kani siya ang supply niya nagsugod sa Lanao and then i-distribute niya sa mga nagkalaing-laing mga probinsiya apil na ang Cagayan de Oro city," pahayag ni Police Superintendent Ronnie Francis Cariaga, ang City Police Director.
Hugot nga gipanghimakak sa magtiayon ang alegasiyon nga ang mga nakuhang ebidensiya gi-planting lang.
“Walay nakuha sa akong posisyon usahay sipyat ang media so mao man ni sugo sa presidente, sa court na lang siguro kung unsa man galeng’ naa may legal sa legal na lang siguro,” pahayag ni Macabuat.
“Sa ngayon wala akong masabi kasi nandyan na yan pero alam nang Allah na yong pinakita ngayon sa TV maskin konti, maskin ano walang nakuha sa amin na illegal na kontrabando. Pero ngayon bahala nang Allah kasi kahit anong sabihin namin andyan na yun dala nila yun kanina pa yun din ang hiningi ko sa kanila na wag nyo kaming anohan kasi malinis yung ano namin, makipagtulongan lang kami sa inyo basta wag nyo kaming lagyan. Yun din ang unang una kong sinabi sa kanila, akala ko.. relax ako pagdating nila dito kasi alam kon na wala silang makukuha sa akin,” hugot nga panghimakak ni alyas Marimar.
Nanawagan kini sa iyang pamilya ug mga higala nga dili motuo ug nanawagan kini nga tabangan gumikan kay limpyo ang ilang konsensiya ug limpyo usab matud pa ang ilang mga negosyo.
Miingon usab ang suspek nga bisan pa og mamatay pa kini dili niini angkunon nga adunay mga nakuha kaniya ug gi-plantingan lang sila sa mga nagpahigayon og search warrant.
Ang insiyal nga mga nakuha sa pipila ka mga lawak tulo ka mga kalibre .45, tulo ka Gloc 9mm, lima ka mga sako nga shabu.