Ginang milyonaryo, midaug og P272 M

SA dakbayan sa Sugbo, sa usa ka dakong mall, napalit ang midaog nga ticket sa Grand Lotto 6/55 jackpot sa Philippine Charity Sweepstakes Office nga nagkantidad og P272,868,832 nga gi-raffle niadtong Sabado, Hulyo 30.

Si Glen Jesus M. Rada, manager sa Cebu branch sa PCSO, mikompirmar nga napalit sa nagbinugtong nga mananaog ang tiket sa lotto outlet sa Ayala Center Cebu.
Matod niya nga kagahapon sa buntag miadto sa ilang buhatan ang ginang nga gibanabanang nagpanuigon og kapin sa 60-anyos aron pagpa-validate sa iyang ticket nga nadag-an nga adunay winning number combination nga 13-35-24-09-06-53.

“Niari siya diri just to be sure sakto ba ang iyang tic­ket,” butyag ni Rada sa Superbalita Cebu kagahapon.

Siya nisaysay nga nangayo og validation ang mana­naog nga wa niya mapangutana kon unsay trabaho, kon siya ba gyud ang nakakuha sa insaktong mga numero ug nakompirmar kini dihang gisusi sa ilang OIC cashier.

Kauban sa ginang ang iyang anak nga lalake ug usa ka babaye sa pagduaw sa opisina sa PCSO sa dan S. Osmeña, North Reclamation Area, siyudad sa Sugbo.

Si Rada nihulagway nga kalma ra ang ginang dihang mipakita sa iyang lotto stub nga nagtangag sa saktong midaog nga numero.

Siya nidugang nga tibuok nga madawat sa mananaog ang P272,868,832 nga premyo ug wa kini bayran nga buhis.

Ang premyo sa jackpot sa 6/55 Grand Lotto nagkasaka gikan sa P30 milyones niadtong Abril 3, 2016 hangtod nahimo nga P30,835,436 pagka Abril 12 hangtod nagkadako ug nahimo nang kapin sa P272 milyones.

Ang 6/55 Grand Lotto bolahon matag Lunes, Miyerkules ug Sabado.

“Use the money wisely. Mo-share pud but not necessarily mopahibawo ikaw ang nakadaog,” tambag ni Rada sa mananaog nga ginang dungan sa pag-ingon nga mas maayo mopaambit usab kini sa iyang grasya sa simbahan ug charitable institutions.

Matod ni Rada way makuha nga bahin sa premyo ang lotto outlet nga maoy gipalitan sa ticket nga midaog.

Niadtong Septiyembre 2014, sa Barangay Talamban, Cebu City usab napalit ang tiket sa nagbinugtong nga nakadaog sa 6/55 Grand Lotto nga nagkantidad og P294.6 milyones.

Nakontrobersiyal ang maong kadaugan tungod kay dunay usa ka lalake ang nangangkon nga gikawat ang iyang ticket sa iyang bayaw ug giingong gi-claim sa laing tawo ang iyang premyo.

Apan dihang gisusi sa data center sa PCSO sa kaulohan, ang lalake nga nangangkon nga maoy tag-iya sa midaog nga tiket, dili mao ang tinuoray nga nakadaog tungod kay napakyas kini pagduso sa gikinahanglan nga detalye sa oras sa iyang pagpalit sa number combination ug lahi usab ang oras niini dihang gitandi sa oras nga napalit ang midaog nga mga numero.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph