SECTIONS
Friday, November 16, 2018

Martin: Free two tickets ug CD album

ANDAM na ang atong ipanghatag nga free tickets sa first major solo concert ni Stephanie Patana Mananquil nga “Centerstage” sa Grand Ballroom sa Waterfront Cebu City Hotel karong Agusto 28, Dominggo, 8 p.m.

Ang tanan natong winners sa raffle promo makadawat og free two concert tickets plus self-titled debut CD album ni Stephanie featuring sa iyang carrier hit single “Kulang Sa Lambing” nga duet nila ni Michael Pangilinan ug gi-composed ni Vehnee Saturno.

Ipada na na inyong mga kupon mga suki kay karon nang Sabado ang deadline sa atong pagpanawat. Ang resulta sa raffle draw atong ipatik dinhi sa atong Tagming sunod Martes, Agusto 23.

Nganong bongga

Dunay mga nangutana ngano kunong bongga og mga guest performer si Stephanie sa iyang concert, ug dili ni mga impersonator ha, sila gyung Alden Richards, Daniel Matsunaga, Manolo Pedrosa ug si Dulce ang mangabot.

Naa pa’y full live band sa musical direction ni Adam Brown, ang pinalanggang kapikas sa Cebuana diva Anna Fegi, kinsa guest usab sa maong concert nga gi-produced sa M. Talent Events and Promotions.

Apan dili na ni bag-o sa Mommy Aida ni Stephanie nga magdala og daghang artista isip tag-iya sa M. Talents Events, sama na lang sa ilang opening niadtong 2012 nga usa ka dosenang artista gyud ang ilang bisita, sama nilang Daniel Padilla, Coco Martin, Valerie Concepcion, Bugoy Drilon, Aaron Villaflor ug uban pa.

Mao nang di nako mahibong nganong bonggacious!

That thing...

Lingaw unta ang pelikulang That Thing Called Tanga Na kay angayan magbinayot silang Kean Cipriano, Eric Quizon, Martin Escudero ug Billy Crawford. Pero bati lang siyag estorya ug usahay medyo OA ang acting ni Angeline Quinto.

Maorag wala sad ma-balance ang exposure sa mga bida kay sagad naa ra nilang Kean ug Eric nibabad ang mga scene.

Ang iyang pagka-comedy wala kalahutay ug sagad mga old joke nga panahon pa sa kupongkupong. Nakuwangan ko nga maorag pinugos nga ambot ba. Basta. Mao tingaling wala mokita ang maong pelikula kay bisan sa Manila mao say feedback nga gamay ra kuno ang nanan-aw.

Kon nahatagan lang unta og saktong material ug nagbutang silag mga tinuod nga komedyante, basin nasalbar pa ning salidaha.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!