Espinoza: Ang libingan ng mga bayani

GIPATAY? Ang pamilya ni PO2 Ryan Casiban, 37, nga nakit-an patay duol sa firing range sa Barangay Agus, Lapu-Lapu City, adto mangayo og tabang sa National Bureau of Investigation (NBI) ug di sa pulis aron pagtino sa iyang misteryoso nga kamatayon.

Wa ta moingon nga ang ka­uban sa buhat ni Casiban maoy posible nga nagpatay kaniya. Apan basi sa gibuhian nga pung sa kapulisan mas maayo ang NBI ang moimbestigar aron way mga pagduda.

Si PO2 Casiban, desk officer sa Cordova Police Station (CPS). Matud sa taho, mibiya si Casiban sa CPS niadtong kaadlawon sa Miyerkules ug nawagtang pipila kaadlaw hangtud nakit-an ang iyang lawas nga nadunot na niadtong Biyernes sa alas 9 sa gabii.

Ang nakalahi sa kamata­yon ni Casiban kay, matud pa, nakadawat siya og hulga sa iyang kinabuhi gikan sa iyang kauban sa buhat. Ang mas delikado nga impormasyon kay, matud pa, nagbuhat siya og blotter report nga naghisgot ni retiradong pulis heneral Garbo ug Vicente Loot.

Tungod niini, si Cebu Provincial Director Jose Macanas mihangyo sa publiko sa pagdili og husgar sa kamatayon ni Casiban ug sa posible nga kalambigitan ni Atan Tajanlangit.

Basi sa taho sa Sun.Star Cebu, si Casiban nangayo og tabang ni Senior Insp. Zosimo Jabas Jr, nga iyang hepe kaniadto sa Cordova, kay matud pa gihulga siya ng patyon sa mga tawo ni Tajanlangit.

Ang nakaparat sa gibuhian nga pung ni Macanas kay si Casiban na hinuon ang paimbestigahan nga matud pa negative sa pag-drug test sa miaging buwan.

Si PO2 Casiban naapil sa ihap sa mga tawo nga nakalas ang kinabuhi tungod sa maisog nga kampanya sa administrasyon ni Presidente Duterte batok sa ilegal nga drugas. Kapin 500 na ang gitaho nga napatay atol sa kampanya batok sa ilegal nga drogas.

Basi sa impormasyon, ma­ingon nato nga gitipi lang gyud si Casiban kay ang iyang pusil ug uban gamit wa man gikawat. Sa karon magpabilin nga kahibulongan ang kamatayon ni Casiban. Apan, ang iyang pamil­ya dunay katungod nga makahibawo sa kamatuoran.

****

LUBONG. Bisan pa sa pagsupak sa kadaghanan nga dili angayan ilubong sa Libingan nga mga Bayani si kanhi presidente Ferdinand Marcos, si Presidente Duterte nagpakita sa iyang kaisog ug iya gyud ipalubong si Marcos sa Libi­ngan ng mga Bayani.

Iya pa gani gihagit ang mga walhon ug mga biktima sa martial law nga rehimen ni kanhi presidente Marcos nga magwelga og usa ka buwan sa kadalananan sa Manila basta di lang makababag sa trapiko.

Gipakita ni Presidente Du­ter­te nga og makadesisyon na siya di na kini mausab. Gani, bisan ang iyang mga kauban sa pulitika sama ni Sen. Alan Cayetano, Senate Pres. Koko Pimentel ug kanhi Sen. Nene Pimentel dili uyon nga ilubong si Marcos sa Libingan ng mga Bayani.

Ang rason ni Presidente Duterte nagbalik-balik nga si Marcos kanhi presidente ug beterano nga sundawo. Apan unsa man gyud nga dako nga rason nga moinsister man si Presidente Duterte nga ilubong si Marcos sa Libingan ng mga Bayani?

Nakahatag ba og commitment si Presidente Duterte ni kanhi Sen. Bongbong Marcos agig sukli sa iyang kadaugan didto sa Ilocos nga gitawag nga “solid north”?

Ang gipakita ni Presidente Duterte nga pamatasan nagpasabot lang usab kini nga ingon ana siya ka sinsero og makabuhi og mga pung nga pasalig.

Ang punto ni Presidente Duterte nga kon malubong na si kanhi presidente Marcos sa Libingan ng mga Bayani magkauli ang maayo nga pagtagdanay sa usag usa.

Apan kon ang mga biktima sa martial law ang pasultion, mosamut ang kasamok o kagubot tungod kay si kanhi presidente Marcos nakasala sa katawhang’ Filipino ug gi­ingon nga nangawat sa pundo sa atong kagamhanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph