SUKAD nigawas si Laurence Mossman sa teleseryeng “Dolce Amore,” nagsunodsunod na ang iyang proyekto.
Gawas sa pag-renew niya sa kontrata ubos sa Creworks Asia isip brand ambassador sa sabon sa Psalmstre, ang New Placenta for Men, padayon siyang makita sa Resorts World Manila katulo sa usa ka semana kuyog ang iyang grupong Primo, ang trio nga gilangkuban sa mga sama niyang half-Filipino.
Regular silang modalit sa mga huni ug awit nga kasagaran mga OPM. Si Mossman apil usab sa pelikulang “Die Beautiful” isip doktor kauban ang komedyanteng si Paolo Ballesteros.
Sugdan na usab niya ang shooting sa lain pang pelikula, ang “Bakit Ang Mga Gwapo Ay May BF” kauban silang Dennis Trillo ug Anne Curtis.
Sunod bulan, ang half-New Zealander ug half-Filipino mohimo sa iyang birthday mall show kauban ang co-endorser sa Psalmstre nga si Miss Earth-Air 2012 Stephany Stefanowitz.
Gidapit usab siya nga mo-guest sa anniversary celebration sa usa sa dagkong malls sa Koronadal, South Cotabato.
Samtang karong Nobyembre, iyang makauban ang Broadway star nga si Lea Salonga alang sa usa ka musical play. (PR)