SECTIONS
philippines
Friday, December 03, 2021

Wa pa matino: Casiban naghikog o gipatay

NAG-UMOL ang Police Regional Office 7 og Special Investigation Task Group (SITG) alang sa kaso ni PO2 Ryan Casiban nga nakaplagan nga wala nay kinabuhi sa kasagbutan kilid sa usa ka firing range sa barangay Agus, syudad sa Lapu-lapu niadtong miaging semana.

Ang naglangkob sa SITG Casiban mao ang Investigation and detective Management Branch, Regional Intelligence Division ug ang Investigation and Detective Management Division, Lapu-lapu City Police Office, Criminal Investigation and De­tection Group ug PNP Crime laboratory alang na sa techincal nga aspeto.

Ganinang buntag gihimo gilayon ang case conference sa mga unit sa kapulisan alang na sa ilang pagsugod sa imbestigasyon sa kaso ni PO2 Ryan Casiban.

Matod ni Sr. Supt Rey Lyndon Lawas nga ang magsilbing kumander mao ang Deputy Provincial Director for Operation sa CPPO nga si Supt Anthony Bagarinao samtang siya maoy over all supervisor.

Giangkon ni Lawas nga sa pagkakaron blangko pa sila sa motibo apan mobalik sila sa sinugda­nan sa ilang imbestigasyon aron matino kung si PO2 Casiban naghikog ba gyud o dunay laing tawo nga nagpatay niini.

Lakip na sa ipaubos sa imbesyon ang mga pa­ngan nga gi-blotter ni Casiban sa wala pa kini molakaw ug nakit-an nalang nga wala nay kinabuhi sa usa ka lugar sa barangay Agus.

“Unang una we will find out who killed PO2 Casiban kung gipatay man siya kay ang initial nga milutaw nga nag suicide but we would like to find out,” matod ni Sr. Supt. Rey Lyndon Lawas.

Lakip sa sutaon sa im­­bes­tigasyon ang back ground ni Casiban sa wala pa kini mamatay kung aduna ba gyud kini nadawat nga hulga sa kinabuhi ug ang giingong nagamitan kini og ilegal nga drugas.

Apan ang asawa ni Casiban nga nahinabi sa dyHP mihimakak nga mogamit og drugas ang iyang bana.

Back to square one ang himuon nga imbes­tigasyon sa SITG diin ang tanang ebidensya ti­gu­mon diin magbahin-bahin sila og tahas kinsa ang ilang rombohon sa imbestigasyon.

Pangitaon usab kadtong mga tawo nga katapusang na estorya sa pulis nga posibling natug-anan sa problema niini.

Ipatawag nila si PO2 Dindo Tajanlangit nga una nang gipasanginlan ni Casiban nga maoy nag sunod-sunod kaniya ug buot siya niining patyon.

Una nang mimando ang kampo Crame nga palawman pa ang im­bestigasyon ni Casiban sa pagduda sa kamatayon niini nga wala maghikog ang biktima.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!