ARROYO. Huyang ang mga ebidensya nga gipresentar hinungdan nga gipakawalay sala sa Korte Suprema si kanhi Pres. Gloria Arroyo ug kaubanan kalabot sa P366M Intelligence Fund Scam. Ang kasong plunder gisang-at sa Ombudsman ngadto sa Sandiganbayan batok nila ni Arroyo, PCSO Gen. Manager Rosario Uriarte ug Board Manuel Morato. Maoy nagpasaka sa kaso sila si Bayan Muna Reps. Teodoro Casiño ug Neri Colminares. Ang kampo ni Arroyo mi-file og Demurrer of Evidence sa Korte Suprema ug nakita nga huyang, dili lig-on ug walay klarong basihanan hinungdan nga gisalikway ang kasong plunder. Gawasnon na si Arroyo ug naibtan sa tunok. Laing mga kaso batok ni Arroyo ug kaubanan nga nagpabiling inosente kay wala pa mahukmi sa korte. Hello Garci controversy sa 2004 nga gikonsabo si Comelec Commissioner Virgilio Garcillano diin midaog batok sa bantogang actor Fernando Poe Jr. Alisngaw sa P728M ug P1.1B fertilizer-pesticide scam uban ni Agri. Usec. Jokjok Bolante. Mialigato ang S329M sa National Broadband Network (NBN) nga kontrata tali sa gobyerno ug ZTE Chinese Telecommunications diin nalambigit sa maong transaksyon sila si kanhi Socio-Economic Planning Sec. Romulo Neri, Comelec Chairman Benjamin Abalos ug First Gentleman Mike Arroyo hinungdan nga gidali-dali pagbasura sa presidente ang kontrata. Electoral sabotage gisang-at sa DOJ-Comelec ngadto sa Regional Trial Court sa 2007 pagsiguro sa 12-0 pabor sa senatorial slate diin kakonsabo ni Arroyo sila si Comelec Chairman Benjamin Abalos, Maguindanao Election Officer Lintang Bedol ug Gov. Andal Ampatuan Sr. apan sa Hulyo 25, 2012 ang korte mirekomendar og piyansa nga P100,000 alang sa temporaryong kagawasan. Nahanaw sa 2007-2009 ang P101.82B nga pundo sa 691 ka mga ahensya. DOJ ug NBI mipasakag kasong plunder ngadto sa Ombudsman batok nila ni Pres. Arroyo, pipila ka mga sakop sa kabinete ug Janet Lim Napoles pagwaldas sa P900M nga alang unta sa rehabilitasyon sa danyos sa mga bagyong Ondoy ug Peping. Kasong plunder usab batok kanila pagwaldas sa Malampaya fund.
MARCOS. Pagpug-ok sa demokrasya pinaagi sa paglusad ug Martial Law nga daghang nangamatay. Public Highways Scandal sa 1976 nga mokabat og P86M nga nalambigit ang kontraktor ug supplier Antolin Jariol Jr., Rufino Nuñez, Erasmo Gabisan ug 15 ka mga kawani sa DPWH. Coco Levy Fund Scam sa 1970-1980 nga nalambigit ang mga cronies Danding Cojuangco ug Juan Ponce Enrile pagpalambo sa coco industry sa mga mag-uuma apan gigamit sa personal nga panapi pinaagi sa pagpalit sa UCPB ug sa dakong pahat sa SMC. Nanikas nila ni Diosdado Macapagal sa 1965, Serging Osmeña sa 1969, Ninoy Aquino sa 1978, Alejo Santos ug Bartolome Cabangbang sa 1981 ug Cory Aquino sa 1986.
RAMOS. Amari Land Deal nga nalambigit si House Speaker Jose de Venecia sa 1995 nga P300M gikan sa Amari Coastal Bay Resources Corp. nga mipalit sa gi-reclaim nga propiyedad sa Manila-Cavite Coastal road nga gideposito sa Traders Royal Bank apan gi-withdraw sa sister-in-law ni de Venecia sa wala pa ang lokal nga eleksyon.
ESTRADA. Kasong plunder nga ang excise tax nga buhis sa tabako gigamit. Nakonbikto apan nakatagamtam og presidential amnesty ni Pres. Arroyo.
NOYNOY AQUINO. KMP mipasakag kasong plunder ngadto sa Ombudsman batok nila ni Pres. Aquino, pipila ka mga sakop sa kabinete ug Janet Lim Napoles pagwaldas sa DAP ug Malampaya funds.
(csa_1156@yahoo.com/0905-250-4643)