GIDUDAHAN nga nalambigit sa drugas gipusil patay sa nag-inusarang gunman samtang natulog sa iyang balay pasado alas 11 sa miaging gabii sa Gonzaga compound, A. Lopez st., Barangay Calamba, dakbayan sa Sugbo.
Ang biktima giila nga si Allan Tabis, 52, usa ka estambay, kinsa nitahan sa kapulisan sa San Nicolas Police Station niadtong Sabado tungod sa kalambigitan sa illegal drugs. JFT
`Misukol’
GIKATAHAPANG drug pusher napatay sa kapulisan human giiingong nisukol atol sa gipahigayong buy bust operation sa miaging buntag sa Barangay Maya, lungsod sa Daanbantayan.
Si Ramil Bentolan, 30, dunay kapuyo, number 3 sa listahan sa illegal drugs sa kapulisan sa lungsod, namatay human bawsi dihang namusil sa pulis gamit ang iyang .38 paltik nga revolver nga may tulo ka mga bala. GPL
Gahikog?
NITUGMA ang basIyo sa bala nga nakuha sa dapit diin nakaplagan ang lawas ni PO2 Ryan Casiban sa armas nga naa sa iyang kilid nga nagmatUod nga nakabuto kini.
Apan mga imbestigador sa kaso wa pa mosira sa ilang imbestigasyon nga naghikog ang pulis.
Niduso na sa resulta sa examination ang PNP Crime laboratory sa gihimong pakisusi sa basiyo sa bala nga nakuha sa crime scene diin nakit-an ang lawas ni Casiban.
Gitino ni Sr Supt. Rey Lyndon Lawas Deputy Regional Director for Operation sa Police Regional Office 7 ug kasamtangan nga supervisor sa Special Investigation Task Group nga mitakdo ang gunpowder residue sa basiyo ug ang sumbohan sa 9mm pistol nga nakuha sa kilid sa lawas ni Casiban nga nagpamatuod nga mibuto kini. AYB
Gi-salvage?
USA ka patay nga lawas sa tawo ang napalgan sa usa ka mag-uuma sa kasagbutan nga ginapos ang mga kamot gamit ang packaging tape.
Nadiskubrehan ang lawas pasado alas 6 kagahapon sayo sa buntag sa sityo Cantipla, Barangay Tabunan, bukirang nga barangay sa siyudad sa Sugbo.
Gihulagway ang lalake nga nagsul-ob og brown cargo pants, blue nga t-shirt, kasarangan ang panglawas, taas og buhok. JFT
Nadakpan
TULO ka mga tawo nasikop sa gipahigayong dungan nga mga buy bust operation sa dakbayan sa Talisay.
Pasado alas 12 kagahapon sa kaadlawon, nasikop sa mga sakop sa Talisay City Police Station sila si Reynaldo Racaza, 47; Clifford Serebonis, 21; ug Narsel Hoybia, 42, pulos lumolupyo sa sitio Rattan, Barangay Tangke, dakbayan sa Talisay. DRT