SECTIONS
Thursday, April 25, 2019

Bag-ong opisyal sa VMLP sa Davao del Sur nanumpa

NANUMPA na ang mga napiling opisyal sa Vice-mayor's League of the Philippines (VLMP) sa probinsiya didto Fabian's Catering Function Hall sa dakbayan sa Digos, kagahapon sa buntag.

Atubangan ni Digos City Mayor Joseph Peñas nanumpa ang mga napiling opisyal nga gipangunahan ni Padada Vice-mayor Francisco Guerrero Jr., kinsa mao ang presidente sa liga ug Hagonoy Vice-mayor Franco Calida nga bise-presidente sab sa VMLP.

Human sa induction, mihatag sa iyang mensahe si Peñas pinaagi sa pagdasig sa mga bise-mayor nga himuon ang ilang trabaho isip tiggiya sa mga sakop sa Sangguniang Bayan aron maduso ang mga maayong balaudnon.

Si Peñas nga gikan sab nahimong bise-mayor kaniadto sa Digos nagbutyag nga angayang ayuhon sa usa ka bise-mayor ang pagserbisyo sa publiko kon mo-ambisyon nga mosaka ang posisyon.

Samtang misaad ang mga bise-mayores nga padayon silang maghugpong sa ilang organisasyon aron mapaabot sa katawhan ang mga programa sa kagamhanan ug ihikling ang tumang pamolitika.

Si outgoing VMLP DavSur ug Davao Regional President ug Digos City Vice-mayor Reynaldo Hermosisima nagbutyag nga di angayang masagulan og politika ang VMLP ug bisan unsa man ang ilang partido angayang maghiusa alang sa liga.

Sumala ni Hermosisima ang pagsugod sa trabaho sa usa ka opisyal mao ang unang adlaw sa ilang paglingkod sa puwesto ug ang pagtapos sa politika mahuman usa ka adlaw inig human sab sa eleksyon.

Si Hermosisima midason nga angayan sab nga wad-on ang pagdumot ug suportahan bisan kadtong mga tawong wa niboto kanila.

Samtang gigiyahan sab sa Depertment of Interior and Local Government (DILG) ang aktibidades diin mitambong si OIC-Provincial Director Remedios Baldovino ug namahayag nga angayang motabang ang mga bise-mayor sa hugot nga kampanya batok ilegal nga droga.

Si Baldovino nagbutyag nga dako ang posibilidad nga masulbad ang ginadiling droga kon apil maghugpong ang tanang opisyal sa pagbuntog sa maong bisyo. (OBD)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!