Daclan: Till I Met You ug Barcelona

DUHA ka mga sikat nga loveteam ang mobida na sa ABS-CBN: ang teleserye nga "Till I Met You" nila ni James Reid ug Nadine Lustre ug ang pelikulang "Barcelona" nilang Daniel Padilla ug Kathryn Bernardo.

Mapa-teleserye ug mapa-pelikula dad-on ta pirme sa Kapamilya network sa laing dapit o nasud.

Sa natapos nga "Dolce Amore" sa Italya nato nakita ang mga bidang si Liza Soberano ug Enrique Gil; sa nagpadayon nga seryeng "Born for you" nilang Janella Salvador ug Elmo Magalona sa Japan usab sila unang nagkita; ug sa "Be My Lady" nilang Erich Gonzales ug Daniel Matsunaga sa Singapore ilang drama.

Kon na-inlove ta sa "Jadine" sa Amerika niadtong seryeng "On the wings of Love" karon dad-on na usab tang tanan sa Jadine sa Greece.

Grabe ka bongga ning ilang lovestory kay gilibot man usab kita nila sa lugar sa mga Greyko ug siguradong mahigugma na usab kita sa duha.

Kauban nila dinhi sila si Carmina Villaroel, Angel Aquino ug Pokwang nga nahilambigit sa usa ka lalaki nga si Zoren Legaspi.

Gikan nila magtuyok ang istorya sa maong teleserye nga maoy hulip sa natapos nga "Dolce amore" sa Lizquen", gikan usab sa ilang mga anak mahimong magka-engkwentro ang ilang kinabuhi. ay'g saba!

Sa pelikula sa Star Cinema nga "Barcelona" sa Espanya usab kita dad-on sa loveteam nga "KathNiel" ubos sa direksyon ni Direk Olivia M. Lamasan. Sa awit pa lang ni Gary Valenciano daw giduyan na kita sa mahimong kapalaran sa gugma nilang Daniel Padilla ug Kathryn Bernardo.

Barcelona, a love untold, sa teaser pa lang ma-intriga na ta kon kinsa si Mia o Celine sa kinabuhi ni Ely, mao kini ang mga role nga gidala sa duha Daniel ug Kathryn kon nganong naabot sila sa Espanya mao kana ang atong masaksihan sa pelikula, ay'g saba!

Malipayong adlawng natawhan kang Dr. Ceasar Uy diha sa Uy Medical Clinic tres de abril, Labangon... ay'g saba!

Related Stories

No stories found.
SunStar Publishing Inc.
www.sunstar.com.ph