SECTIONS
philippines
Monday, September 27, 2021

Psalmstre ug FDAP naghiusa

ANG 16 ka tuig na nga skincare company, ang Psalmstre, nakighiusa sa 35 na ka tuig nga Fashion Designers Association of the Philippines, kun FDAP, alang sa ilang nagkadaiyang mga kalihokan.

Ang chief executive officer sa Psalmstre nga si Jim Acosta mitug-an nga nagkauyon siya ug si FDAP national president Dugna Rosales alang sa pagsuportahay sa ilang umaabot nga mga proyekto. Tiggama ang Psalmstre sa iladong New Placenta for Men and Women nga sabon.

“Mapasalamot ang Psalmstre sa kahigayonan nga gihatag kanamo sa FDAP nga mahimong kabahin sa ilang mga programa isip sponsor. Kining maong kasabotan labaw pa sa negosyo nga aspeto tungod kay nakita namo ang among panag-igsuonay. Dili ikalalis nga ang FDAP usa ka institusyon diin gilangkuban sa labing maayong mga fashion designer sa Pilipinas kaniadto, karon, ug sa umaabot. Ang Psalmstre adunay samang tumong sa FDAP mao nga nag- abot ang among hukom,’ matod pa ni Jim.

Naila na ang Psalmstre isip dakong tigpaluyo sa nagkadaiyang mga kompetisyon sa bisan asang dapit sa Pilipinas, hilabi na ang sa mga beauty pageant. Nagtoo ang kompaniya nga usa kini ka maayong paagi aron makatabang sa mga batan-on.

Sagad sa mga sikat nga artista sa nasud nagagikan sa mga reality contest.

Ang FDAP usab maoy nagmugna sa Body Shots 2016 pageant nga gilauman nga mopasikat sa mga utukan ug ambongan nga mga batan-on kinsa adunay makabibihag nga mga kurba sa lawas. I-feature usab nila ang mga mugna sa mga mosikatay nga mga Filipino designer kinsa mga aktibong myembro sa organisasyon.

Ang Body Shots Cebu 2016 organizers nakapili na sa mga kandidato nga ipaila sa dili madugay ngadto sa media. Matud ni FDAP national president Digna Rosales nga gikalipay nila pag-ayo ang saad ni Mr. Acosta nga paluyohan ang mga proyekto sa ilang kapunungan. Gikan sa FDAP ang sikat na nga mga Filipino designer nga sila si Rajo Laurel, Frederick Perlta, Albert Andrada, ug Renee Salud.

Nagkasikat na usab ang bag-ong mga myem­bro nga sila si Sony Boy Mindo, Vince Sityar, Manny Halasan, ug Mon Favila. Ang Cebuano pageant director ug designer nga si Lemuel Rosos maoy nangulo sa FDAP Cebu Chapter. (PR)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph