USA ka milyon ka pesos nga incentive nga naghulat kang Josephine Medina kinsa mihatag sa Pilipinas og bronze medalya sa women's class 8 table tennis competition sa nagapadayong Rio 2016 Paralympic Games sa Rio de Janeiro, Brazil.
Sa iyang kadaugan, maoy mitapos sa 16 ka tuig nga way medalya ang nasud sa torneyo.
Kini ang pahayag ni Philippine Sports Commission (PSC) Chairman William "Butch" Ramirez sa gipadalang mensahe sa SunStar Davao.
"We are happy of Josephine winning a bronze. The signs of the time for Philippine sports and the momentum is good. She will receive P1 million and we plan to give allowances to all the Paralympics delegates during our board meeting tomorrow," ni Ramirez, dugang gikan kang Hidilyn Diaz, Rio Olympics silver medalist, hangtud Medina ug preperasyon alang sa Tokyo 2020 Olympics kauban sa pagsuporta ni Presidente Rodrigo R. Duterte ug sa iyang administrasyon.
Miiskor si Medina og 11-5, 11-6, 11-7 kontra Germany's Juliane Wolf, 2015 European Para Championships silver medalist aron molambo ang iyang ika-upat nga puwesto sa 2012 London Olympics.
Gipahayag ni Medina sa International Table Tennis Federation report on its website nga pagsalikway kaniadto sa iya ang nahimong inspirasyon, "The rejection has become my inspiration and I train hard and I just want to prove that disability is not a hindrance in achieving your goal. It's just an instrument in reaching success in your life," ni Medina sa ITTF.
Ang iyang pagkadaug ipahinungod sa iyang amahan kinsa nahimong miyembro kaniadto sa national team apan namatay niadtong 2004 tungod sa atake sa kasing-kasing samtang nagtrabaho isip coach sa Royal Saudi Air Force.
Ang medalya niya ang ika-duha alang sa nasud gikan sa pagsugod sa Seoul 1988 Paralympic Games samtang si Powerlifter Adeline Dumapong Ancheta maoy unang naka-bronze sa 2000 Sydney Paralympic Games.