Super Suroy: Ang selfie spot sa Guimaras

ANG lalawigan sa Guimaras wa lang maila sa mga tam-is nga mangga, kondi duna usab kini laing atraksyon nga gidagsa usab sa mga turista, ang San Lorenzo Wind Farm.

Di mominos 27 ka units sa windmills ang gipabarog sa Trans-Asia Renewable Ener­gy Corp. (Tarec), sakop sa Phinma Energy Corp. sa lungsod sa San Lorenzo, ka­sadpang bahin sa lalawigan niadtong Nobiyembre 2014.

Nagsugod ang unang o­­pe­rasyon niini niadtong Dis­yembre 27, 2014.

Matag wind turbine blade dunay kapasidad nga 2 me­gawatts nga kuryente.

Duna kini kinatibuk-ang 54 megawatts ma-generate nga kur­yente nga sobra sa 13 megawatts nga power supply nga gikinahanglan sa tibuok lalawigan.

Mabihag ka sa kahabog sa matag unit sa windmill nga daw sama sa skyscraper nga tower nga dunay sukod nga 78 metros ang gitas-on ug 90 metros ang diameter.

Matag blade dunay 44 metros ang gitas-on. Ang cut in wind speed niini kay tres metros matag segundo samtang 25 metros matag segundo ang cut out wind.

Ang mga windmill gipaba­rog sa upat ka mga barangay sa San Lorenzo: Suclaran, M. Chavez, Cabano (Poblacion), ug Cabungahan.

Ang Tarec nigasto og P6.7 bilyones sa pagpabarog sa mga windmill pinaagi sa contractor nga Sta. Clara Construction Corp.

Lahi sa Bangui Wind Farm sa Bangui, Ilocos Norte didto sa Luzon, ang mga windmill sa San Lorenzo, Guimaras ma­himo ka mopaduol sa estruktura ug magpahulagway.

Ang ubang windmill naa ra daplin sa dalan nga malantaw ug maduol sa mga turista, ang uban naa sa farm station sa Barangay Suclaran samtang, ang uban naa sa mga bungtod diin malantaw ang Bacolod.

Ang mga windmill nahi­mo nga paborito nga sel­fie spot sa mga turista nga mo­dagsa sa dapit.

Ang mga windmill sagad mosugod og tuyok mga pa­sado alas 11 na buntag o padung udto.

Kon ikaw gikan sa Cebu, magpa-book ka og flight paingon sa Iloilo Internatio­nal Airport, siyudad sa Iloilo.

Sa higayon maabot na ka sa tugpahanan, mosakay ka og taxi paingon sa Ortiz Wharf nga dunay plite nga P350-P400 ug mobiyahe u­­­bos sa usa ka oras.

Gikan sa Ortiz Wharf, mola­wig ka sakay og pumpboat nga may plite nga P14 ug mo­abot mga 15-20 minutos sa Jor­dan Wharf sa isla sa Guimaras.

Gikan sa Jordan Wharf, mobiyahe na usab ka og 30 mi­nutos aron maabot ang windmill station sa Suclaran.

Aron maseguro ang imong pagsuroy, mas maayo nga moparehistro una ka sa Tou­rist Assistance Office diin magpatabang usab ka sa imong kasakyan paingon sa San Lo­renzo Wind Farm.

Aron maabagan ang mga molupyo sa mga barangay diin gipabarog ang mga windmill, ang TAREC nagtudlo ug nagbansay nila sa pagluto, pagprinta og T-shirts ug paghimo og duwaan nga windmill diin ang ilang mga produkto mapalit sa pasalubong center.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph