INGON pa nila “dogs are man's best friends."
May uban pa gani nga gikonsidera kini sila nga miyembro na sa pamilya.
Sa mga dunay pet dogs, gina-alimahan sila, gipakaon, gipangga ug gihatagan sa pagtagad nga sama sab sa tawo.
Alang sa mga dog lovers, apil gayud kanunay sa ilang listahan nga makasinati sa pampering ug pinaka-maayong serbisyo ang ilang pinalanggang pet dog.
Tungod niini, mga dog lovers ug business partners Cathy Binag, ug magtiayong Ina and Patrick Moran ang nagbukas sa labing una nga dog hotel sa Mindanao, ang Designer Dogs.
Ang establistamento nahimutang sa Circumferential Road sa may Marfori, Davao City naghatag sa specialized care alang sa inyong pet dogs, sama sa grooming services ug boarding.
“We call it Designer Dogs because we want a name that is something fabulous. Parang biglaan lang din yung pagbibigay ng name, sa kakaisip namin, naisip bigla why not Designer Dogs, so yun na yung binigay namin na pangalan,” ni Binag sa pakighinabi.
Gipaniguro sab niini ang maanindot nilang serbisyo, inubanan pa nga ang ilang mga staffs gibansay sa mga dog experts.
Gipasigarbo sab nila ang paggamit sa imported ug high-end equipment sa ilang salon.
"We use hydraulic tables para mas madali yung paggalaw, iikot na lang siya, tapos taas-baba lang. It won’t stress the dogs," dugang ni Ina.
Aron di ma-stress ang mga iro nga gi-groom, migamit ang Designer Dogs og blowers gikan sa top brand ngaChris Christensen.
Ug sa panahon nga gikinahanglan mobiyahe, ug way kabinlan sa inyong pinalanggang pet dog, ang Designer Dogs bukas aron mo-akomodar kanila, uban ang eleganteng suites nga kumpleto sa air condition ug kutson.
Makalingaw sab ang pagsunod sa ngalan sa suites gikan sa inilang designs and brands sama sa Salvatorre Furragammo (Salvatorre Ferragamo), Jimmy Chew (Jimmy Choo), Arfmani (Armani), Hairy Winston, Vera Fang (Vera Wang), Sniffany and Co.
No need to worry sab tungod bisan layo ang dog owners, mamahimo gihapon nilang ma-tsek ang ilang pets pinaagi sa CCTV nga nakakonekta sa internet ug naka-install sa matag dog suite.
Luyo sa comfy and bongga nga dog suite, available sab sa Designer Dogs ang mga imported scents.
Anaa ang CK9 (CK1), Doggiedoff (Davidoff), Arfmani (Armani), Cooldog (Coolwater), Acqua de dog (Acqua de Gio).
Wa say angay nga kabalak-an tungod ang tanan nilang produkto luwas ug FDA-approved.
“We have our supplier from US and everything is imported and made of high quality products. We’re coming up also with organic perfume for dogs.”
Mapalit sab kanila ang uban pang produkto sama sa color revitalizing shampoo, lightening and brightening shampoo, cleaning and conditioning shampoo, hair revitalizer, detangling conditioning spray bisan nail polish, cute dress ug tuxedo.