Oil spill sa Misamis Oriental

DILI mahimo nga magluto o magdagkot sa bisan unsa ang pipila ka mga residente tungod sa oil spill gikan sa usa ka dakong kompanya sa gasolina sa baybayon nga bahin sa San Vicente, Barangay Casinglot lungsod sa Tagoloan, Misamis Oriental.

Ang mga residente nakabaho sa gasolina kagahapon mga alas 2:00 sa kadlawon, hinungdan nga dili sila makaluto sa ilang pamahaw o makadagkot og kalayo sa kahadlok nga mokaylap kini.

Mipahibalo usab ug ipahimangno ang mga opisyal sa barangay sa dapit nga walay bisan usa nga magdagkot basi sa ilang nadawat nga mando gikan sa kompanya sa Petron.

Si Barangay Casinglot captain Marlon G. Bolanio nga nainterbyu sa usa ka sibyaan sa radyo nibutyag nga gibana-bana nga moabot sa lima ngadto unom ka drum ang nasayang nga laba nga mikalat sa dapit ug miabot sa dagat.

Gibutyag ni Bolanio nga nagpatabang gyod kanila ang tagdumala sa Petron ug nangayo og pasaylo tungod kay aksidente lamang nga naabrihan ang bulb sa sudlanan nga maoy hinungdan sa oil spill.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph