1 Cafgu, 1 NPA patay sa engkwentro

NABULIT sa samad pinusilan ang sakop sa Citizen Armed Force Geographical Unit (Cafgu) human gibanhigan sa gidudahang 40 ka armadong New People's Army (NPA) sa Barangay Guilang-Guilang, lungsod sa Manolo Fortich, Bukidnon.

Dead on the spot si Jimmy Yabut, hingkod ang edad, usa ka Cafgu kinsa nakigpinusilay ug nakigbinayloay pa og bala batok sa mga suspetsado nga miresulta usab sa kamatayon sa usa ka sakop sa NPA. Pangalan sa namatay nga NPA padayon pa nga giila.

Si Barangay Kapitan Henrito Sumo-uy sa Guilang-guilang sa interbyu sa usa ka sibyaan sa radio nibutyag nga dako ang posibilidad nga pagdumot ang motibo sa mga NPA pagpatay kang Yamut human nasayran nga usa kini ka informant sa mga sundalo.

Gani moabot pa sa 30 minutos ang pagbinayloay og bala sa biktima ingon man kauban niini apan tungod sa kadaghan sa NPA ug nitabang sa biktima hinungdan nga napodpod gyod sa bala ang kalawasan sa biktima.

Gibiyaan nga nagbuy-od ang biktima sa lugar samtang ang namatay nga sakop sa NPA gibitbit og balik sa ilang mga sakop.

Ang kaso gisunod na sa kapolisan sa Manolo Police Station uban sa hiniusang pwersa gikan sa 4th Infantry Division (4ID), Philippine Army ning siyudad aron paglusad og hot pursuit operation.

Gikondena usab sa mga kadagkoan sa 4ID ang laing hinimoan sa mga NPA. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph