1 ka balay sa Tisa nasunog

USA ka balay sa 539 Gold Rivaridge Subdivision sa Barangay Tisa, dakbayan sa Sugbo, ang nasunog kagahapon sa buntag.

Si SFO3 Fernando Ouano sa Cebu City Fire Department (CCFD) nagkanayon nga ang alarma ilang nadawat alas 11:00 sa buntag ug hingpit nga napawong ang kayo sulod lang sa pipila ka minutos busa wala kini motabok sa ubang kabalayan sa dapit.

Matod ni SFO3 Ouano, ang maong balay gipuy-an sa usa ka Pamella Cañete ug walay naapektohang kinabuhi atol sa sunog.

Wala siya mohatag sa tukmang danyos sa sunog apan, nidason nga gamay lang ang maong hitabo. (Claudette Colda­yon, PIT AB Comm intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph