1 ka pamilya angol sa bangga

USA ka pamilya pulos nilanding sa balay tambalanan human nabanggaan og pick-up ang gisakyang motorsiklo niadtong Lunes mga alas 6:10 sa gabii didto sa Barangay Kipolot, lungsod sa Quezon, Bukidnon.

Nilanding sa Northern Mindanao Medical Center (NMMC) ning siyudad sa Cagayan de Oro ang duha ka mga bata nga mao sila si Rejen Dacawan, 1 anyos ug 5 anyos nga igsuong si Rojen.

Ang mga ginikanan sa mga biktima nga mao sila si Rene ug Violeta nakangkon gihapon og bun-og ug samad sa kalawasan diin si Violeta outpatient ug si Rene nagpabilin sa publikong balay tambalanan didto sa siyudad sa Malaybalay.

Nagrabehan ang ulo sa mga bata nga gituohang nabunal hinungdan nga giduso dinhi sa NMMC ning siyudad.

Gisaysay sa inahan sa mga biktima nga gikan pa sila niadtong tungora sa ilang puloy-anan sa lungsod sa Kitao-tao ug paingon unta sa Quezon kay mobisita sa ilang mga paryente sa lugar dihang samtang anaa sa dalanon kalit lang miikis sa ilang dalan ang ang usa ka Isuzu nga gimaneho sa wala mailang driver.

Deretsong gibanggan ang ilang gisakysan nga motorsiklo hinungdan nangahulog ang sakay ug nabuhian ang mga bata miresulta sa pagkabunal.

Nakasibat pa ang driver sa pick-up human sa insidente ug gibyaan ang mga biktima.

Sa pagsulat ning balita kasamtangan nga giobserbahan sa mga doktor sa NMMC ang kahimtang sa mga bata samtang ang kaso giimbestigahan na sa traffic investigator sa Quezon Police Station. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph