14 anyos wala pay kaso

WALA pay kaso nga napasaka batok sa 14 anyos nga batan-on nga giakusahan nga nilugos sa 7 anyos nga silingan niini niadtong niaging adlaw Barangay Lapasan ning siyudad.

Gibutyag PO2 Rose Caudor, Women and Children Protection Desk (WCPD) investigator sa Police Station 3 sa Agora, sa Sun.Star Superbalita nga naghulat pa sila sa amahan sa bata nga mobalik sa ilang buhatan aron mopasaka og kaso.

Matud ni Caudor nga kining susama nga kaso ilang panghingusgan nga mahatagan og hustisya ang nahitabo sa biktima.

Hinuon bisan unsa oras mahimong mapasaka ang kaso batok sa suspetsado.

Midugang pa kini nga ning tuig lamang ubay-ubay na ang kaso nga pagpanglugos ang natala ngadto sa ilang buhatan.

Gani kon mag 15 anyos na gayud ang usa ka menor de edad nga suspetsado ila gyud dayon kini nga pasakaan og kaso dayon dalhon una sa Tahanan ng Bayan diin pulos mga menor de edad nga suspek ang anaa sa maong buhatan.

Kahinumduman nga nasapon sa akto sa amahan sa biktima nga gipatungan sa suspetado ang iyang anak sulod sa ilang lawak.

Nasayran nga nisulod ang suspek sa lawak ug nangutana sa bata kong duna pa silay x-rated nga salida.

Giingong gihanyagan ang bata og P2 bugti sa pagahimuon niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph