15 anyos estudyante nanglugos, nasikop

DAVAO DEL SUR -- Gisikop sa kapulisan ang 15 anyos nga estudyante human giakusahan nga nanglugos Sabado sa buntag didto sa lungsod sa Magsaysay. 

Si Police Chief Inspector Robert Caraoa nag-ila sa suspek nga si Reynante (bansagon gitago sa SuperBalita), nagtungha sa publikong tunghaan sa high school sa lugar.

Matud ni Caraoa nga nasikop ang suspek alas 8:30 sa buntag human niguwa ang warrant of arrest sa sala ni Presiding Judge Loida Posadas-Kahulugan sa Regional Trial Court Branch 21.

Ang kaso nakadoket sa criminal case number XXI-1576 (11) alang sa kasong rape ug way girekomendang piyansa sa korte. 

Sanglit menor ang suspek, gitunol siya sa kapulisan sa Municipal Social Welfare and Development nga gipangulohan ni Norma Agno. (Orlando Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph