18 anyos nilala og hilo, patay

USA ka tinun-an didto sa lungsod sa Sarangani, Davao del Sur naghikog pinaagi sa pag-inom og hilo. Nagbula ang baba sa biktima sa dihang naabtan sa iyang pamilya sud sa iyang lawak.

Ang Sarangani Police Station nagkanayon nga nahitabo ang insidente banda alas 9 sa buntag niadtong Huwebes.

Giila ang biktima nga mao si Analisa Balo, 18 anyos, kinsa lumolupyo sa Barangay Mabila, Sarangani, Davao del Sur.

Kasamtangang nagtungha isip 4th year high school ang biktima didto sa Alberto Olarte Sr. National High School.

Ang kapulisan sa lugar nagkanayon nga ila pang naabtan nga "unconscious" ang biktima didto sud sa iyang lawak apan nagbula na ang baba mao nga gidali pagdala sa Sarangani Municipal Hospital apan matud sa mga doktor nga hikabsan na siya sa kinabuhi.

Nasuta sa mga doktor ang presensiya sa toxic chemicals sa lawas sa biktima mao nga nagtuo sila nga miinom kini og hilo aron nga mamatay.

Di pa masubay sa kapulisan ang anggulo kon nganong nagpakamatay ang biktima ilabi pa nga linghod pa ang iyang pangedaron.

Padayon pang mihimo og dugang imbestigasyon ang mga otoridad sa maong hitabo. (Dondon Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph